Read Komrem HLAHEI 91 Bible Online

HLAHEI 91 - Komrem bible

HLAHEI 91

¹Inhuksōtna sik a RŌNGPU hneng akase rakip, Akahratpen sânsōtna thōia aka-om rakip hei khan,

²hinga antitor, “Nang ani ka-un leh anikasen che kae. Nang ka-Pathen che, nahnenga kataksen che.”

³Ama’n a’nthup inrengna rakip a inphut leh thinathei hri leh rai heia inphut ahuksōt sik che.

⁴Amathla vâng aka-un sik che; ama ensuina thōia khan hringna nahmu sik; taksenthei achangna vâng khan asan sik che khana akhâr sik che.

⁵Jân a insukset theinahei naṭit sik rangei mak a-emak leh manhret theiloa sûna nakabuhlu hei,

⁶a-emak leh khō inthima nat kaṭhamak tatôn sik che, a-emak leh sûna ṭhatmak tathat sik che kha ṭit sik rangei mak.

⁷Nasira mi lishing lishing katluthei hei, lishing sôm khat in nang ankakekhum thei che, tâk nang chu suk manset mak hei tin.

⁸Mikaṭhamak-hei kha heikhonga karâkna antanei hei mo nang in na-en inchu nahmu sik hei.

⁹Nang in RŌNGPU kha nakahrung naman chang jo, Chunghnung kha nakahrungpa naman chang jo,

¹⁰kha achang jâra khōdeng theina’n phâkmak tin, innâk-inse khan na-inn hnenga honghnai mak ning.

¹¹Pathen in angevahei kha naka-ensui sik anganse sik hei; khova hmun a nasena ama’n akhâr sik che.

¹²Thing leh hlung heia nake na’nsukset makna sik a anmani’n ankut vâng anmatu sik che.

¹³Nang in ṭit ka-om tak shabakkaihei leh tûr kaneitak marihei, nake vâng nachōnpha sik hei.

¹⁴Pathen in ati, “Ani’nlungset hei kha kahuk sik hei khana RŌNGPU kae tia ani kahnōm hei kha kahrung sik hei.

¹⁵Anmani’n anibek pha kamasôn sik hei; khōdeng anthei pha kathlop sik hei. Ke’n kahuk sik hei khana kajana kanei sik hei.

¹⁶Hringkhō seina tloman kha kapek sik hei; kahuksōt sik hei.”