Read Komrem HLAHEI 97 Bible Online

HLAHEI 97 - Komrem bible

HLAHEI 97

¹RŌNGPU kha reng kae! Raleichung, inpâk roh! Tuipui takake khum ramhei, nanning manṭhat ruh!

²Sumtuk leh a’nthim in ama kha akakur khum; ama’n akadik leh ṭongtak a vai arôn.

³Ahma a hmeihlom kasea, khana akimvea a’nrepuihei kha amankângsō jo hei.

⁴Ama khō manphe khan raleichung asat manvâr; ralei in khavakha ahmua aṭit a innok a kae.

⁵RŌNGPU hmaikunga hmebunghei khōihnât kapōa kajorsō hei, raleichung pumpui RŌNGPU hmaikunga khan.

⁶Marvân he’n adikna kha anphôngsōt, jât mi rakip in alûrna kha anhmu.

⁷Limsyem inmuk rakip inzakna apek hei; pathen rakip in RŌNGPU hmaikunga inkun hei.

⁸O RŌNGPU, naṭongtan dik jâra, Zion mipui inpâk hei, khana Judah khōpui kalenhei kha anning kaṭha.

⁹RŌNGPU, akahratpen, nang chu raleichung pumpui vaikarôn che kae; Pathen rakip hei kanek a kalen chet che.

¹⁰Akaṭhamak kahōt hei kha Pathen in alungset hei; ama’n amihei hringkhō ahrung pek hei; akaṭhamak rathahrat a inphut akeisōt hei.

¹¹Mikadik-hei chunga vâr kha kavâr, khana mikaṭhahei chunga ningṭhatna ka-om.

¹²RŌNGPU ṭōntlo jâra khan mikadik rakip inpâk ruh! A’ntheng Pathen taleitlo kha mandon ruh, khana ahnenga manpâk ruh!