Read Komrem ṬONGCHÎK-HEI 13 Bible Online

ṬONGCHÎK-HEI 13 - Komrem bible

ṬONGCHÎK-HEI 13

¹Sa kasing in aṭhena chunga apa’n amanse pha malung kahlut a arangei, tâk mi-êng kase’n aṭhena hei kaṭhe tihnōm hêrmak.

²Mikaṭhahei kha anṭonghri jâra tloman anchen sik, tâk mi malung intheng mak he’nchu innâk-inse sik a anhngâk hla.

³Naṭong hria insing thei roh khana nahringkhō inhrung roh. Insing theilo ṭongkahri mi kha abinga insuk inhmang.

⁴Miratha kase’n amadu heikhat um chang rasoh, ama’n ahei tik a’m chenmak ning. Ṭōntlo kahrat mi’n amadu rakip ahmu sik.

⁵Malung intheng he’n maleisei anhōt, tâk mikaṭhamak-hei ṭonghri chu inzakna leh hmaimôkna kae.

⁶Akadik in heite inhret mak hei ahrung hei, akadik mak hin set karônhei thōi tlâkna kae.

⁷Mi ṭhahrep in akanei inhlema ka-om hei, tâk heite neimak hei. Mi ṭhahrep in sara a inhlema ka-om hei, tâk anneia kae.

⁸Mikanei he’n anhringkhō hukna sik ansêr kha anhmang sik, tâk tûte’num sarapa hringkhō kha maṭhitna neimak hei.

⁹Mikadik-hei chu ra-âng kanei vâr kapō hei kae; mikaṭhamak-hei chu thaihmei akathi de-de kapō hei kae.

¹⁰Êngkase in bōina tei loa heite masō mak. Mantheina kajōng kha mikasing kae.

¹¹Kabeitak a sêr leh sum nahmu chen a, inrangtak a namanhmang sik. Kachâmtak a nahlō khan, nanei chet sik.

¹²Inhōrna akōi jo’nchu, malung kakōi jo. Tâk-kha nalungdo inkhat atlung pha inpâk na’n kasip che.

¹³Mantheina kaṭha kha narahlâng hnōm mak inchu, khōdeng theina namadu kae; mantheina kha jui roh kahring sik che.

¹⁴Mikasinghei mantheina khachu hringna tuiripût kapō hei kae; hringkhōa inrengna natlâk pha, khahei khan pesōtna sik anbôm sik che.

¹⁵Mandonna kanei in kajana achen, tâk taksenthei kachangmak hei chu inhmangna hlampui antajui kae.

¹⁶Mandonna kanei he’n ṭōn antlo mak hma anmandon dek, tâk mikamo he’n anmanhret makna kha anmalâra kae.

¹⁷Taksenthei kachangmak ṭongkarôn he’n bōina anmasō, tâk taksenthei kachang he’n mōngna anheichoi.

¹⁸Themna sik a’nchûmak he’n sara kachang sik hei khana hmaimôkna anchen sik. Mi mansena inngei hei khan kajana anchen sik.

¹⁹Namadu inkhat chen sik kha heituk a akaṭha jo mo! Mikamo he’n ṭhatmak a inphut hong inle hnōm mak hei.

²⁰Mikasinghei leh inthlop ruh, mikasing hongkachang sik che. Mikamohei ṭhōn nachangpui he’nchu, inhmang sik che.

²¹Set karônhei kha khōdeng theina’n hmuntina ajui hei, tâk mikadik-hei khachu akaṭha kara anchen sik.

²²Mikaṭha he’n antu-ansahei dahlon pek sik a karōi annei sik, tâk mikaset-hei karōi khachu mikadik-hei chen kachang sik.

²³Ala’n thlō mak ramhei kha hleia anthlō’nchu sarahei sik kara katamtak inra sik, tâk mikadik mak he’n hleithlō sik kha ankhâm hei.

²⁴Nasapa kha aṭhena a narachâk mak inchu, nalungset mak kae. Nalungset inchu, aṭhena namandik sik kae.

²⁵Mikadik he’n sâk sik katluk a annei, tâk mikaṭhamak he’n ahei tik a vonṭâm ande.