Read Komrem ṬONGCHÎK-HEI 21 Bible Online

ṬONGCHÎK-HEI 21 - Komrem bible

ṬONGCHÎK-HEI 21

¹Kavadung tui lōngna hlam RŌNGPU’n kabeitak a athleng tor kapōa rengpa malung um ama’n asurpek.

²Natlo rakip kadik tia namandon thei, tâk mandonsōt ṭhak roh RŌNGPU’n na-omchen kha a-ensui ṭhak chea kae.

³Akadik leh akaṭha kha tlo roh; RŌNGPU hneng neinâk tōk sik heichoi kanek a ama tlaina sik kha tlo roh.

⁴Mikaṭhamak-hei khachu inlensak leh êngset in amatu hei, khana hivahi setna pui katluk set kha kae.

⁵Kaṭhadek a ṭōnmantluk roh khan chu nang in karōi hingja nanei sik; nang in inrang inranga natlo’nchu heitik che’num nang tlukna sik neimak tin.

⁶Malung dik loa nahmu nei leh hao kha inranga katlang sik, tâk thina beishunga anṭhōi manhlut mak hma seng che chu khavakha latlang mak ning.

⁷Mikaṭhamak-hei chu anmani innâk-inse ṭōntlo kalalen in amanhmang hei; akadik tlohnōm mak hei.

⁸Ṭhena kanei he’n hlam kalet anhroa kase hei; ṭhenakase he’n akadik antlo.

⁹Hrâng kase lômnu leh inn inkhat a omsōm sik kanek a innphu chunga om kaṭha jôk.

¹⁰Mikaṭhamak he’n pha rakip a ṭhatmak tlona sik anngeitō ṭhak; tûte chunga lungsetna neimak hei.

¹¹Mi inlensak inkhat in karâkna ahmu jo’nchu, heite mandonna kaneimak mi kapha’num inchuna anei. Ama mantheina inphut mikasing in inchuna anei sik.

¹²Akadik Pathen khan, mikaṭhamak-hei inna heimo kasōk amanhret, khana mikaṭhamak-hei kha ama’n asuk manhmang sik hei.

¹³Sarahei ṭap rasa narangei pek mak he’nchu, inthōpuina sik naṭapna kha theipek mak tin.

¹⁴Mi inkhat in nachunga ahnuk anat inchu, marûk a kutchoi pek hin amalung amandai sik.

¹⁵Kadik a ṭong antan pha, mikaṭhahei inpâk hei, tâk mikaṭhamak chu anmalung hōimak.

¹⁶Akaṭha mandonna inphut hlam invâi jo hei khachu thina’n ahngâk ṭhak jo hei.

¹⁷Inhōisak, ju-in thlaisâk a om hin heitik che’num mikanei manchang mak tin.

¹⁸Mikaṭhamak he’n mikaṭhahei chunga khōdeng manthei sik a antamantluk kalalen khan anchunga jōng katlunga kae.

¹⁹Ṭong chir-chir kahri, bei katam lômnu leh om sik kanek a, ramthip a om kaṭha jôk.

²⁰Mikasing he’n annei anhao leh kahōia ka-om hei, tâk mikamohei chu sêr anhmu lim bât leh anhmangsō pet bât.

²¹Mi lungset thei roh malung inthenga om roh; khan chu nahringsei kasôt sik; mihe’n ankaja sik che khana kaṭha anrazen sik che.

²²Lungthim kanei rehlam kakei in mikahrat hei tahrung khōpui kalen kha atora, an-in ngamna kurbanghei avōk khōipek hei.

²³Khōdeng theina inphut na’nphesōt hnōm inchu, naṭong hri insing thei roh.

²⁴Mi inlensak inkhat amanhmu roh, ke’n mi racham kase, mi in-or khana mandonna kaneimak kamanhmu sik che.

²⁵Ṭōn katlo hnōm mak, ratha kase, mihei chu anbinga a’nthat jo hei kae;

²⁶anmani chu antanei hnōm rōk kha chenna sik anmandona antloa kae. Achang inum mikadik khachu, pekna anei tor, khana malung kalentak a apek.

²⁷Mikaṭhamak he’n tōk sik anta heichoi neinâk kha RŌNGPU’n amater; adek a anmalung mandon intheng loa antlo’nchu.

²⁸Malei kaseihei sâkhi pek hei hi taksen om mak, tâk kaṭhatak a a’ndon ṭonghri chu lopek thei kae.

²⁹Mikadik-hei chu anbinga inngamna annei; tâk mikaṭhamak he’n antor chen a akaṭhapen inchangsak hei.

³⁰Mihring singna, themna kanei, ari inthûk a hmuna hei kha RŌNGPU’n adōi che’nchu heite anhnemna om mak.

³¹Retukna sik shakorhei namantluk thei, tâk retorna kapek khachu RŌNGPU kae.