Read Komrem ṬONGCHÎK-HEI 26 Bible Online

ṬONGCHÎK-HEI 26 - Komrem bible

ṬONGCHÎK-HEI 26

¹Khōlum thla a kavur katla a-emak leh savōk pha khōsûr kapōa, mikamo hnenga manpâk sik hi inhuipui mak.

²Hâksêr sik rahōi nachangmak inchu hâksêrna kha nachunga tlung mak ning. Khahei khachu hmating akajōng vahei inhnga tet lo kapō kae.

³Shakor chu sung vâng najem sik, shakōrtung chu beirâk natlo sik, khana mikamo chu navōk sik kae.

⁴Mikamo ṭongder namasôn inchu, ṭong kaderpa kapōa nang um akamo che kae.

⁵Mikamo ṭongder chu mikamo ṭongmasôna masôn roh, khan chu ṭong kaderpa khan asing makna kha ahong manhret sik.

⁶Mikamo inkhat ṭongkarôn sik a nanganse’n chu, nake nahongtan theia kae; bōina na’njong kae.

⁷Ke kangōi he’n anke antahmang kapōa mikamo inkhat in ṭongchîk ahmang lele thei.

⁸Mikamo inkhat manpâk hichu saiphia saihlung nikhit leh thakhat kae.

⁹Mikamo inkhat in singna ṭongchîk ahonghrisōt khachu ju inruipa’n akut vânga rahling khersōt sik a’ntluk kha mandonsōtna amannei che kae.

¹⁰Mi inkhat in mikamo inkhat ṭōn katlo sik a amarōi hichu mi rakip malung inhângna hrep sik kae.

¹¹Mikamo inkhat in amona ṭōn vōi 2 tlukna atlo nôk hichu ui inkhat in amalōk asâkmale nôk kha leh thakhat kae.

¹²Asing chu singloa kasing eng tia a’nlopa kanek a mikamopenpa kha kaṭha jôk.

¹³Heisa mo miratha kase’n inna inphut vâng akasōk hêrmak? Heimo antaṭit? Shabakkai mo?

¹⁴Ratha kase he’n anjekhum ansor. Kotkung kakhea akahladet a sōk mak hei.

¹⁵Mi ṭhahrep chu anbei shunga bu thōn sik kapha anratha kase.

¹⁶Miratha kase inkhat in mikasing 7, mandonna ahlam kaṭhadet a inhret tor hei kanek a kasingdet eng tia indon sik.

¹⁷Naṭōnum changloa inkhena inkhat a navahlut khachu hlamdung hroa uikōr vamatu leh thakhat kae.

¹⁸Mi inkhat in mi inkhat hlamleting aṭhōisōa, sem kamanlo kae kati kha, mi invet in thinathei hmangchâk indeina anei kapō kae.

²⁰Thing atlang jo’nchu, hmei kasûk kha kathi; ṭong titi a-om mak jo’nchu, innâk na’m kabâng.

²¹Hmeira-ê in-ât khan ratap amanlum, thing in hmei amansûk, inchokna insō hei khan inkhena anmasō.

²²Ṭong titi hi katui hêr! Sâk a made sik heituk a madu ka-om mo!

²³Malung intheng loa naṭong hrina shunga namandonna kadiktak nathup khachu dangka inthengtak kha aman katlômtek bephu shunga da kapō kae.

²⁴Ṭhat insak he’n vângphônga ṭong anhri, anmi enkadana chu anthup.

²⁵Anṭong hri kha innejen thei, tâk taksen mak roh, ajârchu anmalung kha mi enkadana khan kasip.

²⁶Ami enkadana khachu athupthei, tâk aṭhatmak tlo khachu mi rakip in anhmu sik.

²⁷Mihei man-ôkna sik châng kakam hei kha anbinga in-ôk hei. Ralei manchima mi mandehlon sik kati hei khan anbinga indehlon hei.

²⁸Maleiseia mi inkhat suk manrim sik namadu’n chu ami kha na-enkada kae. Malung intheng loa ṭonghri hin inhmangna tei loa heite heirônsōt mak.