Read Komrem ṬONGCHÎK-HEI 27 Bible Online

ṬONGCHÎK-HEI 27 - Komrem bible

ṬONGCHÎK-HEI 27

¹Ajîng kania sik inlensak hêrmak roh. Tûn leh jînga kâra hin heimo akasōk sik manhret mak che.

²Milak-hei leh khōhme he’n manpâk hei che rasoh, nabinga inhri inṭhat hêrmak roh.

³Mikamo tamasō inrengna hei kha hlung leh nêrdi kahrik khan ata’nte puithei changmak.

⁴Hnuknat hi a-êng kase khana asuk manhmang tor, tâk thangset leh nitepui inchu heite la-êmak.

⁵Mi inkhat in heite a-ensui mak tia amandon che kanek a inphôngtak a narasei kha kaṭha jôk.

⁶Ṭhōn he’n namalung anmannat inum, lakaṭha hi. Tâk-kha naka-en kada’n nadâr chunga akut ahei dâ’nchu insing thei roh.

⁷Navon akhop pha leh chu, khōihning um sahnōm mak tin, tâk navon aṭâm pha leh chu, akakha kha’m katuia nathei sik.

⁸Inna inphut akasesōt mi chu arabua inphut akasōksōt va kapō kae.

⁹Thai marim katui leh marim kahōi in namalung amanhōidet, tâk inrengna’n namalung mōngna asuk khōia kae.

¹⁰Naṭhōnhei a-emak leh napa ṭhōnhei mahngi mak hei roh. Khōdeng theina natlâk jo’num, na-u nanai inthōpuina dermak roh; kahlajap a aka-om na-u nanai kanek a nasir napanga ka-om he’n an-inthōpui tor che.

¹¹Sing roh, kasapa, kha achang inchu inpâk sik eng; kei ani kahri inset rakip masôntorna kanei sik.

¹²Mandonna kanei mi’n bōina ahong sik kha anhmu sik khana inphesōt hei, tâk mandonna kaneimak mi chu ashungtak a vakahlut khana hnunga insirna anei.

¹³Khōhme inkhat bât leh râk kachoipek sik tia intepna kanei mikamotakpa neinâk kha bat pekna sik a mikut a da sik rahōi kasōk.

¹⁴Rasa inhrektak a chibei pekpuma jîngkâr hmatak naṭhōn inkhat navamathō khachu navahâksêr leh ṭhakhat kae.

¹⁵Akahranghrat nuhmei chu sûr laia khō kasûr cher-cher kapō kae.

¹⁶Heikhong mo amanu kha sip namanti tor sik? Thlihrâng manhaina sik natlo phung jo mo a-emak leh kut maja kasip thaitui matutlitna sik natlo phung jo mo?

¹⁷Thir in thir amanngei kapōa, mihring hi inkhat in inkhat a inphut inthem chûkna annei.

¹⁸Theichangkung kaṭha a razen roh akara nasâk sik. Akapupa kaṭha inzen sōk khan kajana achen sik.

¹⁹Tui shunga lim nahmu kha nahmai kae khana namalung shunga nahmu kha natak khet kae.

²⁰Mihring maduna hichu kathi khōa akakhop theimak kapō kae madu chet-chet sik ka-om ṭhak a kae.

²¹Hmei in sana leh dangka aro mantheng; mi inkhat rahming inthang hi’m enmansin thei kae.

²²Mikamo hi athivet katlunga navōk inum amona khachu ashunga inphut vōk mathlâk pek tor mak tin.

²³Nator chenna nakemōng leh nake kha ching kaṭhahei roh.

²⁴Ajârchu nei leh hao inti hi aka-om ṭhak changmak. Jât leh phung kapha’m are-rea aka-omthang changmak.

²⁵Tlâng panga phi navât, khava sōa kahar um navât nôk, khava hmun a khan abân phidông hong kakhang hei.

²⁶Nakemōnga inphut sahme pōn nakhôngtor khana nakehei ṭhahrep najōra ram narachôk thei.

²⁷Alaka-om seng nake heia inphut nang sik leh na-innshung sik, khana nasōk nuhmeihei sik netui anpek sik che.