Read Komrem ṬONGCHÎK-HEI 5 Bible Online

ṬONGCHÎK-HEI 5 - Komrem bible

ṬONGCHÎK-HEI 5

¹Kasapa, namalung manhlut roh, khana kei singna leh ari inthûk a manhretna hei kha rangei roh.

²Kha achang inchu heikhong mo omchen kaṭhadek a om sik ti kha namanhret sik, khana naṭong hri khan themna nanei jo ti kha amalâr sik.

³Mihlop nuhmei beisō kha khōihning kapōa kathlum thei, khana amanu mi majôpna kha olive thai kapōa innejet thei.

⁴Tâk-kha khava seng kha a’nchai pha, ama tadahlon pek che khachu malung natna leh malung kōina teilo alak om mak ning.

⁵Ama’n kathi ramting nang aṭhōi sik che, ama tahro hlam khachu thina hlam kae.

⁶Hringna hlam a ama om mak; tâk kalôn lele khana heimo akasōk ti manhret mak.

⁷Tûnchu kaṭong hri rangei ruh, sapahei, khana kahri hi mahngi hêrmak ruh.

⁸Khang khava nuhmeia inphut kahlatak a om ruh! Akotkung hnengbek a’m vase mak ruh.

⁹Nanvase’n chu, nang in kajana naleichen kha milak he’n anchen sik jo, khana lungset inhret mak hei kut chunga nankhangdông laitak kathi sik chei.

¹⁰Kadik, ram hlop mihe’n nannei nansum anlopek sik jo chei, khana nanṭōn leitlo hei seng kara kha’m mita kachang sik jo.

¹¹Nanthina sik jekhum chunga inkōia kaje sik jo chei, nantak ravōi asâk radûk reng sik jo.

¹²Nangni’n nanti sik, “Heijâra mo alei inthem chûkmak eng? Heijâra mo tu mo inkhat mansena eng kha kaleihnōm mak?

¹³Ka-ojahei mantheina leirangei mak eng. Anhnenga kamalung leihlut mak.

¹⁴Khana manhret manloa kei hi mihei kâra inzakna karatō jo.”

¹⁵Nalômnu hneng taksenthei chang roh khana ama rōk kha lungset roh.

¹⁶Nuhmei ralak leh nantanei sahei kha nang sik anhnemna om mak ning.

¹⁷Nasa he’n anhong khang pha an-inthōpui sik che, milak he’nchu inthōpui mak hei tin.

¹⁸Khava jâra nalômnu kha hōipui roh, khana lu nahôngpuinu kha inpâkna chenpui roh,

¹⁹shakhi kapōa ahme kaṭha lungset kakai tia mandon roh. Ahme lungset kaina khan inpâkna pek ṭhak che rasoh; alungsetna che khan ka-unṭhak che rasoh.

²⁰Sapa, heijâra mo nuhmei alak inkhat kha nala valungset sik? Heijâra mo milak inkhat nuhmei hmeṭhat kha nava madudet sik?

²¹Natlo rakip RŌNGPU’n ahmu, khova hmun a nasena kha ama’n a-en ṭhak che.

²²Mikaṭhamak-hei setnahei khachu châng kae. Anmani anbinga setna chânga in-ôk hei.

²³Anmani kathi hei ajârchu anbinga inkhâm torna neimak heia kae. Pui katluk a anmona khan anthlânkhur ting atir sik hei.