Read Komrem ṬONGCHÎK-HEI 7 Bible Online

ṬONGCHÎK-HEI 7 - Komrem bible

ṬONGCHÎK-HEI 7

¹Kasapa, kahri hei kha mandonsōt hei roh, khana tlo sik a kamanthei che kha mahngi hêrmak roh.

²Kahri hei kha tlo roh, kha achang inchu kahring sik che. Nahmit-hei nahrung hei kapōhrep a kamanthei che kha insing theitak a ajuina sik tlo roh.

³Kamanthei che kha pha rakip a invon ṭhak roh; nalungri shunga mazet roh.

⁴Singna kha nasernu kapōa inthloppui roh, khana ari inthûk manhretna kha naṭhōn marit kapōa mandon roh.

⁵Anmani’n mi nuhmeihei, mijôr kathem nupui heia inphut ankeisōt sik che.

⁶Pha khat a ke’n, ka-inn thlikot a inphut khō kaleithlir,

⁷Khana heite la’nhret mak khangdông hingja kahmu hei, tâk ahlopdet a akamo inkhat kahmu sōt a kae.

⁸Ama kha nupui inkhat omna hlamlen akirting khan kalôna kase. Amanu innhneng asora kase

⁹khōhlei ahon’thim kahnunga kae.

¹⁰Khava pha nupuinu khan aleiratō jo; amanu kha noti hei invona invon khana ṭōn amantluk a kae.

¹¹Amanu kha mi kangamtak inzak inhret mak ahei tik a hlamlena kalôna kae,

¹²kha a-emak leh rakir inkhat a kangir ri, vōi khat leh hlamdunga, vōi khat leh jōrtlânga mi ahngâk ṭhak heia kae.

¹³Amanu’n akut azera retherpa kha akakōa amajôp, ahmit a kasang kanga a-ena ahri,

¹⁴“Tuning ke’n maichâma tōkna katlo khana khava tōkna hme hei kha kanei.

¹⁵Khava jâra nang kajong sik a ahong kasōk eng kae. Nang inhmupui sik kamadu che kae, nang um leika-om chea kaṭha jo!

¹⁶Kajekhum kha ret kaṭha, Egypt Pōn innem neng vâng kapha jo.

¹⁷Marim katui thai katamtak kakathing thlōn jo.

¹⁸Hong roh! Jân kathang indume sona om rih. Khat leh khat inpom sik mea kha kahōia ka-om sik me.

¹⁹Kapuise inna om mak. Khōhme kahlatak sik a kasesōt jo.

²⁰Ama’n sêr katamtak arôna kase jo, kanive 2 shunga hong inlemak ning,” ati.

²¹Khang’khan amanu’n a-êmna vâng khan amathlem jo, aṭong inne khan ajôr mathlâk jo.

²²Manhret phâkloa amapa kha sehratche that sik a antaṭhōi kapōa khavanu kha leh inṭhōi jo hei, shakhi châng takhit kapō kae

²³Amalung the vâng antakâpkhōi jo kapōa. Va in châng kamna ting ajōn kapōa, amapa khan ahringkhō inhmang sik kha leimanhret mak.

²⁴Kha achang jâra tûn, sapahei, rangei ruh. Kaṭong hri hi nanmalung manhlut ruh.

²⁵Khava kapō kha nanmalung mansur mak ruh; ama kahnung juilele mak ruh.

²⁶Amanu kha pase katamtak hringkhō inhmangna kachang jo khana hringkhō tei torlo hei thina amasō jo.

²⁷Amanu inna nase jo’nchu kathikhō hlam a akase jo che kae. Khavakha thibeina hlam kha kae.