Read Komrem MI INTHEIPA 10 Bible Online

MI INTHEIPA 10 - Komrem bible

MI INTHEIPA 10

¹Thai marim katui likli inkhat hi mathōi kathi inkhat in amanthupet tor; khana mikamo ṭōntlo ajingte’n singna kalentak kha amanhmang tor.

²Mikasing he’n akadik khana mikamo he’n akadik mak kha antlo phung.

³Anmona kha hlam a khōhme anta’n tōpui hei hnenga kapha anmalâr; anmani mona kha mi rakip hneng manhretna anpek hei.

⁴Navai karônpa khan nachunga ahnuk anat inchu, naṭōn bângna sik a hribât mak roh; malung kadaia na-om inchu sukṭhe kalentak kha rangei mandam thei che kae.

⁵Raleichunga hin akadik mak inkhat kahmu sōt - khava vaikarôn he’n dikmak antamasō hei kha.

⁶Mikamohei kha ratha neina ṭōnhmun kha anpek hei, mikahaohei khachu anmahngi ri hei.

⁷Sōk-hei kha shakor chunga kahmu hei, khana akalen akahrâng he’n sōk kapōa ankea kase hei.

⁸Nang in khur inkhat nacho’n chu khana khan katla sik che; bang inkhat nasōk khōi inchu mari’n amachuk sik che.

⁹Hlung liksōtna ṭōn natlo’nchu hlung in atôn sik che; thing nalâk khōi inchu, khava khan atôn sik che.

¹⁰Nahreicha kha ahngei mak joa nakatât man ngei mak jo’nchu, khava hmangna sik naratha nasân chet sik kasōk a kae. Hmatak a ṭōn mantlukna hin injenchet a kae.

¹¹Mari’n amachuk masa jo che’nchu mari thlîmna nathem inum aṭhatchômna om mak.

¹²Mikasinghei ṭonghrina khan kajana anmanchen hei, tâk-kha mikamohei khachu anṭonghri kalalen khan asuk manhmang hei.

¹³Anmani’n kamotak a ṭonghri anphut a invettak a a’nchai ri.

¹⁴Mikamo’n ṭong katamtak ahria ahri. Hnung leh heimo ahong kasōk sik tûte’n manhret mak hei, khana tûte inkhat in nithisōa heimo akasōk sik hri tor mak hei.

¹⁵Mikamo ṭhahrep rōk in ahlam jōnna sik manhret mak a, aṭōn tlona khan kachâm nenga kae.

¹⁶Ram inkhat in arengpa kha khangdông achanga khana aram vaikarônhei khan jânsôt rehōi antlo’nchu khōdeng theina adea kae.

¹⁷Tâk-kha reng inkhat abinga mandonna kanei tor khana aphahrep a akasâk aka-in, abinga a’nsurtor khana ju inruimak hlamkakei kanei rengram khachu avâng kaṭha.

¹⁸Nang in naratha ase hêr jâra naphuchung kha naphôtmak inchu, inn kha khō kajung sik khana kapûr sik.

¹⁹Revei in amanhōi che, ju-in khan namalung amantlâi sik; tâk sêr inveiloa inkhatbek chentor mak che.

²⁰Reng kha hrimaset mak roh, marûk a achang inum, khana mikahao kha hrimaset mak roh, nabing rakhum chunga achang inum. Akinchu va inkhat in naṭong hri kha atlena avahri pek sik hei.