Read Komrem MI INTHEIPA 12 Bible Online

MI INTHEIPA 12 - Komrem bible

MI INTHEIPA 12

¹Khava jâra nangni’n, “Hringkhō hi kahōia hmangmak ung,” nantina sik pha, inrengna kum leh kanihei kha ahong tlung mak hma, nankhangdông changlai hin nan-Pathen kha mandonsōt ruh.

²Ti chu kani, thla, ârsihei vâr nangni sik a ajing mak hma, khana khōtui sumtuk asesōt mak hma hin.

³Hnunga chu nan-inhrungna nankutbân hei kha hong innok sik jo hei, tuna nanke akangar hei hi hong katlasam sik hei. Nanbu manchana sik ha hei kha katlômtek sik jo hei, nanhmit hong kajing sik jo.

⁴Hlampuia rasa theina sik nankōr hong kaset sik jo. Sasum rasa, hlasak rasa nanthei manhmak sik jo, tâk va inkhat mahrâm kapha’num najena inphut amanṭhang sik jo che.

⁵Chung inshâng nanṭit sik jo hei, lônlele ṭit hong ka-om sik jo. Nansam hong kabang sik jo; nanbinga lônlele heitor mak jo tin khana madu rangei rakip um om mak jo ning. Eini hi achaina inhngatna sik hmun nijōn sik jo kae, khava pha hlampui heia ṭajai suina ka-om sik jo.

⁶Dangka hrui intan sik jo, khana sana thaihmei hong katla khōi sik jo; tuikhura tui keina hrui intan sik, tuibe kha hongkakōi inchek dâk sik jo.

⁷Nitaksa ravōi ralei vaiphina inle sik, khana hringna kaphuk hi anikapek Pathen hneng inle sik jo.

⁸Mikasingpa khan hnemna kase, hnemna kase, ati. Hivahi hnemna kase kae.

⁹Tâk-kha Mikasingpa kha asing jâra, amanhretna kha mipuihei amanthei ṭhak hei. Ama’n ṭongchîk-hei kha inchuna aneia andikna kha malung inthengtak a a-ensui heia kae.

¹⁰Mikasingpa’n lung mōngna ṭongrahme hei jongsōtna sik intluk khana amazetsōt ṭongrahme hei hi malung intheng ṭōnhei kha kae.

¹¹Mikasing ṭonghri hei hi, kemōng kakhempa kemōng khemna khōnghre kangei kapō kae, khana ṭongchîk chom mantûp hei hi kahnettak a hem mankop jôtpi kapō kae. Eini nikhenga ni-Kakhempa inkhat kha, anmani hnenga Pathen in apek jo hei.

¹²Kasa, hinahin heikhat ensui sik laka-om. Lekha mazetna heia khan abângna om mak, khan chu lekha rahnak a teihin amanchâm hêr sik che.

¹³Hiva chunga hin, hri sik inkhat rōk laka-om: Pathen kha ṭit roh, khana aṭongpek-hei jui roh, ajârchu hiva sik pena eini hi asyem me kae.

¹⁴Eini’n akaṭha leh akase achanga, marûk a tlona hei kapha’m akhenga Pathen in ṭong alatan sik kae.