Read Komrem MI INTHEIPA 4 Bible Online

MI INTHEIPA 4 - Komrem bible

MI INTHEIPA 4

¹Abâna ke’n raleichunga akadik mak rakip hei hi ka-en nôk a kae. Suk manrima aka-om he’n kaṭap hei khana tûte’num inthōpui mak hei. Tûte’num inthōpui mak hei, ajârchu ankasuk inrim he’n anchunga ratha anneia kae.

²Akathia akase jo hei chunga kala-ôt hei; anmani kha tuna alakahring hei kanek a mahâm kaṭhachet hei kae.

³Tâk-kha khava 2 hei kanek nôk a ala’nte mak hei, raleichunga akadik mak lengna alakahmu mak hei kha kaṭhachet heia kae.

⁴Mihe’n chung sōkna sik a rahnak katia ṭōn antatlo hi’m kamanhret: hivahi ansir avenhei karōi chen chunga thangsetna jâra kae. Tâk-kha hivahi’m hnemna kase kae. Hivahi thli kahrâng nimanloi kapō kae.

⁵Anmani’n anti khachu nikut thlep a oma, sâk loa akathi sik me hichu mikamo kachang sik me.

⁶Khanga kachang thei, tâk-kha pha rakip a kut 2 vâng rahnak katia ṭōntloa thlihrâng sur sik kanek a malung kamōng tak a ajingtehrep nei sik hin kaṭha jôk a kae.

⁷Ke’n hringkhōa hin heite hnemna kase ṭhahrep khat um kahmu sōt.

⁸Hinahin mi inkhat abing rōk a ka-om. Ama’n sapa’m, u leh nai um neimak, tâk-kha pha rakip a ṭōn atlo ṭhak, anei ahao khan amalung tlai tor mak. Tu sik a mo ama’n rahnak a ṭōn atlo, khana abinga hōina heikhat chen hnōmloa aka-om? Hivahi’m hnemna kase kae, khana hringkhōa châmna hlamjui kae.

⁹Inkhat rōk kanek a 2 kaṭha jôk, ajârchu 2 he’n an-inchun inchu kaṭhatak a ṭōn antlosōt tor.

¹⁰Ankâra inkhat atlu jo’num aloipa inkhat in amanding thei. Tâk-kha mi inkhat rōk kha atlu jo’nchu ṭhahêr mak, ajârchu ama kabôm sik a tûte om mak jo.

¹¹Adaiah achang inchu mi 2 kajesap thei hei, kaluma ka-om thei hei; tâk-kha nabing rōk a heikhong inmo akalum tor sik che?

¹²Mi inkhat rōk chunga akator sik buhluna kha mi inhni’nchu anting tor a kae. Hrui rajang 3 inherkop kha keitan intak a kae.

¹³Mi inkhat sarabera inphut aram shunga reng jōng kachang thei a-emak leh kurkhum a inphut reng in-ongna in-ong thei, tâk-kha ajōng ter jo pha chu kamohêr joa mansena ṭong lothei mak jo, saraber khangdông khana manhretna kaneitak inkhat kapōa changmak jo.

¹⁵Ke’n raleichunga akahring mihring rakip chungchânga mandonna kanei, ankâra khangdông inkhat reng hmun kahlō sik hmun khat a ka-om ti hi kahmu sōt.

¹⁶Reng inkhat vairônna shunga aka-om sik mija tepna omtheimak; ama kha asesōt jo pha, ama taleitlosōt ṭōn jâra khan tûte inkhat in inpâkna neimak. Hivahi hnemna kase kae. Hivahi thlihrâng manloi kapō kae.