Read Komrem HLAHEI HLA 1 Bible Online

HLAHEI HLA 1 - Komrem bible

HLAHEI HLA 1

¹Hlahei kâra akahōipen, Solomon hlaphō hei.

²Namajôpna nahner khan akatōm eng; nalungsetna eng khan ju nek a kaṭhachet.

³Nachunga marim katui kha ka-om; narahming kathei pha kamandonsōt. Nuhmei tûte inkhat in nang kalungsetna che kha ating tor mak hei.

⁴Kei hi aṭhōi jo roh, tlânsōt jo rih; karengpa kha chang ina na-inn den shunga aṭhōi manhlut jo roh. Eini 2 kahōisap sik me, katluk a ju ni-in sik, khana inlungsetna inlertak a ka-om sik me. Nuhmei rakip in nang anmadu che, inlak sakna sik om mak!

⁵Jerusalema nuhmeihei, kei kadum eng tâk-kha kahme chu kaṭha. Cedar a nêrdiram pōn rabuk hei kapōa kadum eng, tâk-kha Solomon reng-innpuia pōnzâr kapōa kaṭha eng.

⁶Kadum tia heite sakloa atlo mak ruh, kani kalum tasat eng jâra kae. Kasōpui he’n kachunga anhnuk anat jâra vomhrui rahōna ṭōn anmantlo eng. insi-inhlengna pha neimak eng.

⁷Eh kalungsetpa, amanthei roh, Nakemōnghei kha khova hmun a mo phi kasâk naṭhōi sik hei? Sûnṭima kani kaluma inphut khon mo châm namanhngat sik hei? Kemōng kakhem ralak-hei kemōng rup hei kâra heisik a mo kava jong sik che?

⁸Nuhmeihei talungset pen hmun kha lamanhret mak che mo? Se roh kemōng rup kha jui hei roh; kemōng kakhemhei pōn-inn hnenga khan nakehei phi sâkna sik hmun vajong roh.

⁹Pharaoh Shakor gâri heia, shakor rala he’n ache hei malung antamathok kapōa; Kalungdinu nang inum, pasehei malung namathok pek hei.

¹⁰Nakabeng heia nasam kakai kha kaṭha hêr khana nahrak a rangkachek maṭhi hrui kapōa jōng inkhei.

¹¹Tâk-kha sana hrui keini’n kansyem pek sik che dangka ret hei leh inṭhōia.

¹²Karengpa’n ajekhuma intea ka-om, khana kei marim kahōi khan thli kha kasip sō.

¹³Ka-âng chunga ahei inte pha kalungdipa khan bero kapōa marim katui aheiphu.

¹⁴Kalungdipa kha ram a reipâr, Engedi vomhrui rahōna akapâr kapō kha kae.

¹⁵Kalungdinu, heituk a nahme akaṭha che mo! nahmit-hei kha heituk a lungset kakaia akavâr hei mo!

¹⁶Kalungdipa, heituk a nahme akaṭha jo che mo; heituk a namanhōi jo eng mo! Phi in-êmreng kha nijekhum kae sik;

¹⁷cedar thing he’n eini inn kacho kachang sik, Cypress thing in ni-inn phuchung thōi khârna kachang sik.