Read Komrem HLAHEI HLA 8 Bible Online

HLAHEI HLA 8 - Komrem bible

HLAHEI HLA 8

¹Nang hi kaṭapa nalei chang inchu tia kamandon kanu’n anetui aleiman-in che’nchu kati. Khan chu, nang kha hlamlena ka’ntōpui che’nchu, nakabeng kamajôp sik che khana tûte’num theikada mak hei ning.

²Kanu inna kaṭhōi sik chea kha, khana khan nang in kei hi lungset namanchu sik eng. Ke’n marim katui ju kapek sik che, kei kapothei ju kha na-in sik.

³Navei tinga nakutbân in kalukham kachang nachang tinga nakut in nakachi lele eng.

⁴Jerusalem nuhmeihei, intep ruh, nangni’n kan-inlungsetna hi makhōimak ning ti ruh.

⁵Nêrdiram a inphut akajōng hi tu mo kae, alungdipa leh ankut leh ankut intu heia akahong heiso? Khava na-intetna hmun a theikhup kung thōia nang kha kamathō che.

⁶Kei hnenga tei loa nalungsetna malung kha kam jo roh; Kei tei loa tûte’m nakut bânna kakō mak roh. Thina kapōhrep a lungset inum ratha anei; maduna hin thina kapōhrep a ratha anei. Hivahi hmeimale kapōa kasûk ri, khana hmeipui kapōa aro manvâm.

⁷Tui in hivahi thator mak; tuishânglen in tlentor mak. Tâk-kha tu mo inkhat in inlungsetna hi sêr vâng rachôk sik ati’nchu, materna rōk kha achen sik kae.

⁸Keini’n nuhngâkte sernu inkhat kannei, khana ane hei kha lakasîn hei. Rether inkhat in ahei hêr inchu eini’n ama sik heimo nitlo pek sik?

⁹Ama hi kurbang inkhat kapō aleichang inchu, eini’n dangka ber inn inshâng inkhat nisak pek thei. Ama’n kekot inkhat aleichang inchu, cedar thingpek a nikakur khum thei.

¹⁰Kei bang eng kae, kane hei hi ber inshâng hei kha kae. Kalungdipa leh kan omsōm pha tlaina leh mōngna ke’n kachen ti hi ama’n amanhret.

¹¹Baal Hamon inti hmun inkhat a Solomon in vomhrui thei rahōn inkhat anei. Khana khan ama hnenga inphut rahōn kasân mi ka-om hei; anmani inkhat et in dangka lishing inkha-khat ṭim asânman anpek.

¹²Solomon in dangka lishing khat ahmu, khana hlei kathlōhei khan anchen raja hni anhmu. Kei chu kabinga vomhrui rahōn kaneia kae.

¹³Kalungdinu, rahōn shunga inphut narasa kha amanthei roh; kaloi kare he’n narasa kha rangei sik a anhngâk hla.

¹⁴Shakhiche kapōa, kalungdipa, kahnenga hong roh marim kahōi thing leh rō kekna tlâng chunga kazuk tere kapōa jōng roh.