Read Komrem ISAIAH 18 Bible Online

ISAIAH 18 - Komrem bible

ISAIAH 18

¹Ethiopia tuidung rea mathla jâp rasa intheina ram inkhat ka-om.

²Khava ram a inphut Nile tuidunga peng vânga insyem rakōng antôra palai jōng kaṭumsuk hei. Innting inle ruh, ṭongkarônhei inrang ruh. Tuidung in asemṭhen jo nanrama, akahrat leh ratha kaneipen jât, vânhnōi taṭit a’nshângpen leh taksa-inne hei hnenga ṭong thangkōi inkhat rôn male ruh.

³Rangei ruh, raleichunga aka-om rakip in! Tlâng chunga mêrchîkna pōnlek inkhat keimanke ruh! Pengkun ahong intum sik kha rangei ruh:

⁴RŌNGPU’n kahnenga ahri, “Sa-ât pha khōhlei kaluma radaitui kapōa leh sûn pha kani’n kadai nenga ahong sōk a akalen kapōa, marvâna inphut ke’n kajōng ensuk sik.

⁵Vomhrui kara a’nṭhōt mak hma, apâr aṭisō pha, khana vomhrui thei ahmin pha, chemcha inkhat vâng kabeitak a abâk-hei, tuktan kapōa, Ethiopia hei kha ansukset sik jo hei.

⁶Ansepei hei kalōng kha vahei leh ramshahei sik a dahlona ka-om sik. Khōlum pha vahe’n ansâk sik, khana phebi pha sha he’n ansâk sik hei.

⁷Akahrat RŌNGPU’n, hiva a’nshâng leh anvun inne hei, akahrat leh ratha kaneihei, vânhnōi pumpui taṭit hei, hiva tuidung taṭhensōt ram a inphut tōknahei arahlângna sik pha kha lakajōng sik. Anmani, Chunghnung RŌNGPU kamukna hmun Zion Tlânga alakahong sik hei kae.