Read Komrem ISAIAH 23 Bible Online

ISAIAH 23 - Komrem bible

ISAIAH 23

¹Hivahi Tyre chunga ṭong inhri inkhat kae. Nangni tui-ôngpuia rakōng katôrhei, ṭap una ông ruh! Nan-inn Tyre rakōng ṭhumhmun kha suk manset jo kae; khana innhei leh rakōng ṭhumhmun hei insuksetsō jo hei. Cyprus ram a nanrakōng ahon’le pha ṭong kasōk hei kha nanmanhret sik jo.

²Sidon ram a invei katlo nangni, ṭajai sui ruh. Nangni’n mihei

³Egypt ram a hmuchi a’ncho leh akajor sik khana jât rakip leh inveina katlo sik a tui-ôngpui reting nantir heia kae.

⁴Sidon khōpui, nang inzak nachen jo! Tuipui leh Tui-ôngpui khan ami changmak jo che atia ahri, “Ke’n sa leineitet mak eng. Ke’n sanu sapa hongvei manhringtet mak eng.”

⁵Egypt hei kapha’num Tyre suk inhmang jo ti ṭong hi amanhret pha, anmalung kana sik khana kachâm sik hei.

⁶Malung inrima ông ruh, nangni Phoenicia hei! Spaina tlânsōt jo ruh.

⁷Hivahi tenlaia ale’nphunsōt jo, hōina khōpui Tyre kha akae nâk heisik mo? Hivahi tui-ôngpui rekhat a ruprup a khō tlâkna sik a mi aleikatir khōpui kha alakachang sik nâk mo?

⁸Rengkalen khōpui, revei katlo rengsahei raleichunga mi takajapen hei khōpui, Tyre chunga ṭōn kasōk rakip hei a’ntlukpa kha tu mo?

⁹Chunghnung RŌNGPU’n khavakha amantluk kae. Hivahi anmani inlensak ṭōntlo bângna sik leh antakaja hei suk mannemna sik a, ama’n amantluk kae.

¹⁰Spaina ruprup a khō katla hei nangni, se una aram kha hlei vathlō ruh! Sonna sōn nangni tûte nankahuk sik om mak.

¹¹RŌNGPU akut kha tui-ôngpui chunga arazit a rengramhei anam mathlâk hei. Ama’n inveina laiṭim Phoenicia khōpui asuk mathlâkna sik ṭongpek amasō jo.

¹²Sidon khōpui, nahōina katlang jo, khana namipuihei suk manrima ka-om jo hei. Cyprus ting antlânsōt inum anmani inhuk inhring dekmak hei ning.

¹³Tyre khōpui ramshahei tachōn rachia kasyem kha Assyria changmak hei, Babylonhei kae. Tyre berte hei kahlō leh rekur kasukhōi khana khōpui suk manset a akadahlon hei kha Babylonhei kae.)

¹⁴Inrimtak a ông ruh! Nangni rakōng katôr tui-ôngpuia ka-om hei! Nanta’n ngampui khōpui kha suk manset jo kae.

¹⁵Tyre kha kum 70 mahngina sik pha kahong sik, reng inkhat hringkhōsei kae. Khava phahei kha athlengsō leh Tyre kha hla shunga notinu kapō hong ka-ang sik:

¹⁶Naserângdâr lo ina, khōpui shunga lônlele roh, mi tamahngi jo, notinu! serângdâr manhring ina hla sak nôk roh pasehei kei mahômna sik tlo nôk roh.

¹⁷Kum 70 athlengsō leh RŌNGPU’n Tyre kha a’nveina marōa amanse nôk sik, khana amanu kha raleichunga rengram rakip a abinga notinua injōrsōt sik.

¹⁸Amanu inveina atahlosōt sêr kha RŌNGPU hneng apek sōt sik kae. Asêr hmu hei seng kha mantûp mak ning. Tâk-kha RŌNGPU inmuk mihe’n asêr kha sâk leh in, antamadu pōnsi derkei rachôkna antahmang sik kae.