Read Komrem ISAIAH 31 Bible Online

ISAIAH 31 - Komrem bible

ISAIAH 31

¹Egypt a inṭangpuina kader sik a akase hei kha inhmang jo hei! Anmani’n Egypt ratha kanei remi katamtak chunga inngam heia kae — shakorhei , shakor gârihei leh remihei chunga. Tâk-kha Israel Pathen intheng RŌNGPU hneng semak hei, inthōpuina sik ahnenga dermak hei.

²Ama’n atlo sik kha amanhret! Ama’n insuk inhmangna ajōngtir. Ama’n mikaṭhamak-hei leh ankahrung hei karâkna sik a maṭhitna kha atlosōt a kae.

³Egypt hei kha Pathen changmak hei, anmani mihring hrep hei kae. Anshakorhei kha akahrat inlak changmak hei. RŌNGPU’n ṭōn atlo pha, ratha kahrat jât kha kakōi inthek sik, khana ratha katlôm jât a’nṭangpui kha’m katlu sik. An-inhnia suk manhmang kachang sik heia kae.

⁴RŌNGPU’n kahnenga ahri, “Kemōng kakhem he’n an-ônga anpeng inum shabakkai inkhat in athatsa jo sha inkhat a inphut hnongsōt tor mak hei, kha leh in-angtlinga akahratpen RŌNGPU ke’n Zion Tlâng hukna sik katlo kha anikakhâm tor sik heikhat om mak ning.

⁵Va inkhat in vate hei hukna sik a arabu chunga ahrung kapōa akahrângpen RŌNGPU ke’n, Jerusalem kahrunga kahngâk sik kae.”

⁶RŌNGPU’n ahri, “Israel mihei, nangni kei kadōia setna nantlo khana nanmakhe eng. Tâk-kha tûnchu, kahnenga he’nle jo ruh!

⁷Apha kha hong katlung jo, nangni nankhenga dangka leh sana vânga nantasyem setna limhei kha nanta hlonsōtna sik pha kha kahong jo.

⁸Assyriahei kha rea suk manhmang sik hei kae, tâk-kha mihring ratha hratna vânga changmak ning. Assyriahei kha rehmun a inphut katlânsōt sik hei, khana anrether hei kha sōk manchang sik jo hei kae.

⁹Anreng kalenhei kha ṭit-inpir pum a katlân sik hei, khana ṭōnpui karônhei kha anṭit reia anre pōnlek kha andahlon sik.” RŌNGPU’n, Jerusalema antakamuk RŌNGPU’n romanvâm inthoina tōkna sik a ahmei akakâng ṭhak a khan ka-om jo.