Read Komrem ISAIAH 50 Bible Online

ISAIAH 50 - Komrem bible

ISAIAH 50

¹RŌNGPU’n ahri, “Mi inkhat in anuhmei ada kapōa, kamihei hi kei tahnong sōt hei kae tia nantamandon mo? Kha achang inchu, kadana hei lekha kha khomo? Mi inkhat in asahei sōk sik a ajōrsōt hei kapōa, rehringa sur sik a kajōrsōt cheia mo nantamandon? Changmak, nansetna jâra rehringa akase chei kae; nanṭhena jâra tirsōt akae chei kae.

²“Heisa mo kami he’n anta leihnōm mak, ankahuk sik a anhnenga kaselai? Heisik a mo kabeklai hei anta leimasôn mak eng? Anmani huksōtna sik a karatha akatlasam hêr eng mo? Ṭongpek inkhat a tuipui kamanchâr tor, khana tui om mak jâra ashunga ka-om ngahei kha anthina sik a, tuidung kha nêrdiram kamanchang tor.

³Akathi sik a ṭajai suina kapōa ke’n bōirōk a khō kamanthim tor a kae.”

⁴Akatlâksam hei ratha manngar torna sik a, Chunghnung RŌNGPU’n hri sik kha amanthei eng. Amanthei sik eng kha rangeina sik a jîngkâr katai manhret hnōmna amannei eng.

⁵RŌNGPU’n manhret theina apek eng, khana heite makhe mak eng, khana ama a inphut inhesōt mak eng.

⁶Ani kavōk hei hneng kaṭhōm kamado. anmani’n inzakna anipek eng pha, kahnerhme anphoi pek eng pha kahmaia anmachi thlōn pha khâm mak hei eng.

⁷Tâk-kha inzak antase pek eng khan kei atôn tor mak, ajârchu Chunghnung RŌNGPU’n a’nṭangpui eng. Khahei kha kadetorna sik kabinga inkhâm enga kae, Inpâkna chenmak ning tia inhret eng,

⁸ajârchu Pathen kha kahnenga ka-om, khana ṭhena kaneimak kha ama’n amanchên sik. Mi inkhat in maset pekna sik a amaher tor sik eng mo? Ṭongtan hmun a se rih! amaset pekna eng kha heirônsōt rasoh!

⁹Chunghnung RŌNGPU ama khet in ahrung eng, khan chu tu’n mo kei ṭhena amanchên tor sik? Kei masetna anikapek seng inhmu mak jo hei ning; anmani kha ra-nge tasâk pōn kapōa om mak jo hei ning.

¹⁰Nangni RŌNGPU kajana kanei seng, khana asōkpa ṭong kajuihei seng, nanhlam hro kha inthim thei sik, tâk-kha RŌNGPU taksen ruh, nan-Pathena in-ngai ruh.

¹¹Nangni milak inhmangna sik ṭōn intluk rakip nanta mantluktak khan amanhmang sik chei. RŌNGPU amatak in hivahi amasō sik kae; nangni vângset inhnaktak n antaratō sik kae.