Read Komrem ISAIAH 55 Bible Online

ISAIAH 55 - Komrem bible

ISAIAH 55

¹RŌNGPU’n ahri,, “Tui kahre rakip hong ruh, hin tui ka-om! Sêr kaneimak nangni hong ruh, sasai rachôk unna sâk ruh! Hong ruh! Ju leh sehnetui ho’nchôk ruh — aman heite pek mak tin chei!

²Von khopna aka-emak sik a khan heisa mo sêr nanta mathlang? Vonṭâm ṭhakna sik a khan nanratha heisik a mo nanta mathlang? Kaṭong rangei ruh khana heimo kahri kha tlo ruh, khana thlai katui pen kha nanchen sik.

³“Tûn rangei ruh, kamihei, kahnenga hong ruh; kahnenga hong ruh, nangni’n hringna nanchen sik! Ke’n nangni leh intepna kahnettak kasyem sik, khana David hnenga kaṭongkam mahâmṭhatna kha kapek sik chei.

⁴Ke’n ama kha jât-hei hlamkakei leh ṭong kapek inkhat a kasyem kae, khana ama a inphut ke’n anhnenga karatha neina kamalâra kae.

⁵Tûnchu nangni’n ram hlop mihei kha nanbek sik hei; pha khat a nangni leimanhret mak hei chei, tâk tûnchu nangni kajōm sik a hong katlân sik jo hei! RŌNGPU nan-Pathen, Israel Pathen intheng ke’n hihei seng hi kahong masō sik; ke’n kajana leh lûrna kha nangni kapek sik chei.”

⁶RŌNGPU hneng inhe roh khana ahnenga der roh, tûn ama kahnaitek a a-omlai hin.

⁷Mikaṭhamak-hei kha’n anhringkhō hlam kha dahlon hei rasoh, khana anmalung mandon hei kha thlenghei sona. Anmani RŌNGPU, ni-Pathen hneng inhe hei rasoh; Ama kha lungsetna pui katluk khana rangei mandamna inrang.

⁸RŌNGPU’n ati, “Kei mandonna kha nangnihei mandonna kapō changmak, khana kahlam hei kha nangni hlam leh chu ahlop kae.

⁹Raleichunga inphut marvân a’nshâng kapōa kahlam leh kamandonna hei kha nangni nek a inshâng hei.

¹⁰“Kei ṭong hichu kavur katla leh khōsûr kapō raleia tui kachep sik a marvâna inphut ajōng kasur kha kae. Khava khan hmuchi kha amankek vor sik a hmuchi leh sâk sik a thlai apek.

¹¹Khava kapōtak a kaṭong hri kha kachang sik, kei ṭōnmantluk tlosōtna khan hme sōloa om mak ning; tlosōt sik a katirna heirakip a avatlosōt sik a kae.

¹²“Nangni’n inpâktak a Babylon nandahlon sik; khōpuia inphut nangni kamōng tak a anṭhōisōt sik chei. Tlâng leh hmebung he’n hla ansak a kapeng sik hei, khana thingkung he’n inpâk a ka-ông sik hei.

¹³Tûna rahling chap kekna heia Cypress thing kakek sik, rahling kathlenga khersei thing kakek sik. Hivahi ahei tik a sik a achîkna sik kha kae, RŌNGPU kei tatlo kha mandonsōtna sik inkhat kha kae.”