Read Komrem ISAIAH 56 Bible Online

ISAIAH 56 - Komrem bible

ISAIAH 56

¹RŌNGPU’n amihei hneng ahri, “Akadik leh akaṭha kha tlo ruh, ajârchu inranga kahuksōt sik jo chei.

²Châmhngat kani kaṭha akanit leh akalet a kahmang mak hei kha mahâmṭhat kapek sik hei. Akaṭhamak heite katlomak hei kha vângṭhat kapek sik hei.”

³Ramlak mi, RŌNGPU mihei leh a’nchun inkhat in hinga ahri mak sik kae, “RŌNGPU’n amihei leh kei hi kamukna hmun khat a amanneisap mak sik ung kae.” Atak ansyem jo mi inkhat in sa leh te anei tor mak jo jâra, ama khan Pathen mihei kâra invei yamak jo tia andon mak sik kae.

⁴RŌNGPU’n khang khava mi hnenga ahri, “Nang in serning kani nanit a kei nakaja enga khana kalungdo ṭōn natloa khana ka’ntepna taksen theitak a najui inchu,

⁵narahming kha kabek-inn shunga khana sanu sapa katamtak nanei kanek a kamihei kâra kasôt chet a mandonsōtna aka-om sik kae. Nang ahei tik a mahngi changmak jo tin che.”

⁶Khana ram hlop mihei amihei kâra inveisa jo hei, ama inlungset a asepa katlohei, serning kani kanit hei khana taksen theitak a ama ṭongtep kajuihei hneng RŌNGPU’n ati:

⁷“Ke’n nangni katlâng intheng Ziona kaṭhōi sik chei, kei derna innshunga inpâkna kapek sik chei, khana kamaichâm chunga nan-inthoina tōknahei kha karahlâng sik jo. Kabek-inn hi vânhnōi jât rakip sik a derna inn a’nti sik kae.”

⁸Hnongsōt a aka-om ami Israelhei inna anhei kaṭhōi inlepa, Chunghnung RŌNGPU’n mi ralak he’m anmani leh a’nchun sik a alaheiṭhōi sik hei tia ahri.

⁹RŌNGPU’n jât-hlop hei kha ramsha kapōa anhongna sik khana amihei anhong madena sik a amanthei jo hei.

¹⁰Ama’n ati, “Hlamkakei seng, kamihei gîkna kapek sik a rahōi kasōk hei kha anhmit kacho jo! Anmani’n heite manhret mak hei. Anmani kha ui, mi kahnuk mak, a’nbok hnâma rahmang kasân ka-ang jo hei. Heituk-hrep a akaje hnōm hei mo!

¹¹Anmani kha anvon khop hêrlo ui kalôp inphâm kapō hei kae. Hiva hlamkakeihei hi manhretna neimak hei. Anmani inkhat et in anbing tlaina et antlo khana anbing rōk hnemna sik anjonga kae.

¹²Hiva ju-inruihei hin anti, “Ju ajing jong rih, nitor chenna in rih! Tuning kanek a jîng leh chu akaṭhachet hong kasōk sik!’”