Read Komrem ISAIAH 7 Bible Online

ISAIAH 7 - Komrem bible

ISAIAH 7

¹Judah ram kha Uzziah tupa, Jotham sapa Ahaz in vai arôn lai, re leika-om. Syria reng Rezin, khana Israelhei reng Remaliah sapa Peka le’nthō heia Jerusalema re anleitlo, tâk hlotor mak hei.

²Judah rengpa hneng Syria remihei Israel ramria heikatlung jo hei ti ṭong atlung pha, ama leh amipuihei seng kha thlipui in thingkung akanok kapōhrep a anṭit a le’nnok jo hei.

³RŌNGPU’n Isaiah hneng ahri, “Nasapa Shear Jashub thōi roh khana Reng Ahaz inhmupui sik a se roh. Sak tinga tuikhura inphut tui lona kông hmora, pōn kakhông hei ṭōn tlona hlam a khan navahmu sik!

⁴Insing theitak a, kadaia a-omna sik, khana ṭit leh inperloa khana lungdongloa a-omna sik manthei roh. Hmei omloa hmeikhu kasōk thingbong kapō kha tei loa Reng Rezin leh Syriahei khana Reng Peka hnuknat kha ṭit sik om mak.

⁵Syria’n, Israelhei leh anrenghei leh inthō heia, intlukna aneia kae.

⁶Anmani’n Judah chunga resōa, mihei maṭhit heia, anmani langting manṭang sik hei, khava sōa Tabeel sapa kha reng manchangna sik a lungthim antloa kae.

⁷Tâk-kha RŌNGPU ke’n hivahi sōk hêrmak ning tia kahrisōt kae.

⁸Heisa mo? Ajârchu Syria kha Damascus khōpui kanek a akahrat chet changmak, khana Damascus kha Reng Rezin kanek a akahrat chet changmak. Israelhei sik a chu, kum 65 shunga insukṭhen dâk jât inkhat a kahring sik hei.

⁹Israel in Samaria khōpui kanek a akahrat chet changmak, khana Samaria kha Reng Peka kanek a akahrat chet changmak. “Nantaksenna a’njônjet mak inchu, nangni’m injônjet a omṭhak mak tin.”

¹⁰RŌNGPU’n Ahaz hneng ṭong thangkōi ahlop inkhat atir nôk:

¹¹“RŌNGPU na-Pathen khan mêrchîkna apekna sik che der roh. Khavakha thina ralei a’nthuk a achangmak leh marvân chunga inphut kachang thei.”

¹²Ahaz in amasôn, “Merchîkna inkhat ke’n dermak ning. RŌNGPU kha enmansinna nei sik hi hnōm mak eng.”

¹³Khava chunga Isaiah’n amasôn, “Tûn, David sōn leh pârhei rangei ruh. Mihei thōk-hratna manhmang sik hi nang sik a akaṭhamak tak jo kae, Pathen thōk-hratna kha’m manhmang sik nalati mo?

¹⁴Kha achang inchu kaṭha jo, RŌNGPU ama khet in mêrchîkna inkhat apek sik jo che: achung kahrik nuhngâk inkhat in sapa inkhat anei sik arahming, ‘Immanuel’ tia anphō sik.

¹⁵Ama pui katluk a abinga indonthei achang jo pha, mihe’n senetui an-ina khōihning ansâk sik jo.

¹⁶Khava pha kha ahong tlung mak hma nangni inrimna kapek reng 2 hei rengramhei kha hleichi kachang sik jo hei.

¹⁷RŌNGPU’n nang chunga, namihei chunga, khana reng innshung rakip chunga, Judah a inphut Israel rengram a’nṭhensōt khava shung senga aleikasōk rakip inrengna kanek a akakhôk chet ajōng masō sik, ama’n Assyria reng aheiṭhōi sik jo kae.

¹⁸“Khava pha kha ahong tlung pha, ram kahlapen Nile tuibâk thlâk heia inphut mathōi kapōa Egypt hei hongna sik khana Assyriahei kha anrama inphut khōi kapōa anhongna sik a manhret theina RŌNGPU’n tumphir atum sik.

¹⁹Anmani’n phai kaphok a, hlung kâra khur heia, rahling chap buk leh ramhâng rakip a kasip sō sik jo hei.

²⁰“Khava pha ahong tlung pha, RŌNGPU’n Euphrates re kea nasam kavo inkhat amarōi sik — Assyria reng kalenpa khan — nanhnerhme, nanlusam leh nantaksa avo mankek sik.

²¹“Khava pha kha leh, hlei kathlō mi inkhat in sehrat rala inkhat leh ke 2 rōk adontor inum,

²²khahei khan akatluk sik a senetui anpek tor sik. Kadik, antadahlon akahring ajingte he’n sâk sik a senetui leh khōiju annei sik.

²³“Khava pha kha ahong tlung pha, vomhrui rahōn kaṭhahei, vomhrui kung lishing khat kekna hei, dangka lishing khat man hei kha, rahling chap in akatōmsi sik hei.

²⁴Khava hmun heia khan mihe’n the leh sai anchoia shachâng lengna annei sik. Kadik, ram pumpui kha theimi leh rahling chap in akabuksi sik hei.

²⁵Hmebung sabi hlei kha phōi leh rahling chap kakek a tûte semak jo hei ning. Khavakha se leh kehei phi sâkna kachang sik jo.”