Read Komrem LEVI-DÂN 11 Bible Online

LEVI-DÂN 11 - Komrem bible

LEVI-DÂN 11

¹RŌNGPU’n Moses leh Aaron hneng dânhei hi,

²Israel mipuihei tajui sik a apek hei. Raleia ranhring rakip nansâk thei sik

³ankepha kakōi khana thlai incha ranhei,

⁴tâk sharîngsei, telep, thepa hei hi nantasâk hêrmak sik kae. Khahei kha a’nthengmak a lo sik hei kae; thlai chu anmancha, tâk kepha chu inkhōiṭhen mak hei.

⁷Vok sâk mak ruh. A’nthengmak a lo sik hei kae; ankepha chu har inkhōi tâk thlai mancha mak heia kae.

⁸Ranhringhei hi sâk mak hei ruh, ankathi kalōng kapha tônmak ruh, a’nthengmak hei kae.

⁹Nga ate leh ahlip kanei rakip nansâk thei sik.

¹⁰tâk tui shunga ka-om nga ate leh ahlip ka-om mak seng chu sâk mak sik kae.

¹¹Khavahei seng kha a’nthengmak a lo sik hei kae. Nantasâk mak sik kae khana ankathi kalōng nanta tônmak sik kae.

¹²Tui shunga ka-om ate leh ahlip kaneimak rakip nantasâk hêrmak sik kae.

¹³Hiva vahei seng hi nantasâk hêrmak sik kae: mârhmu, simbu, hmukhai; hmuvânlai, hmubang, hmuthong, va-âk; valen, tuiva, vakaikōng, urôk, oinu, vatuha; vapôr leh bâk-hei.

²⁰Mathla kanei khaiphâr seng intheng mak hei,

²¹a’nthok thei senghei tei loa.

²²Khaikhu, khōngbai, khairōng hei nansâk thei sik.

²³Tâk-kha mathla kanei anbok a a’nsôn akasinhei seng chu a’nthengmak a a’ntei sik kae.

²⁴Tu achang inum hiva a’nthengmak ranhring kathi katôn kha khōhlei katlunga a’nthengmak sik kae: akepâr inbâk mak leh thlai incha mak, khana ke 4 kaneia kepâr matin kanei. Sha kathi kalōng karôn leh akasit mi kha apōn ader asôp sik kae, khōhlei katlung a’nthengmak sik kae.

²⁹Matîr, maju, chaichîm khana kaikîng loihei a’nthengmak a tei sik kae.

³¹Hihei katôn leh kathi kalōng kasit mi kha khōhlei katlung a’nthengmak sik kae.

³²Khana ankathi kalōng khan heikhat chunga atlâk inchu, khavakha a’nthengmak sik kae. Hivahi thing, pōn, shavun leh mârsha, hei-hei hmangchâk anchang inum atôn rakip a’nthengmak a inlo sik. Khahei kha tuia phûm manhlut sik hei kae, kha’num khōhlei katlung a’nthengmak sik hei kae.

³³Kathi kalōng kha ralei bephua atlâk inchu ashunga ka-om rakip intheng mak jo ning, abe kha navōkkhōi sik kae.

³⁴Khana sâk thei thlai heikhat chunga khang khava bephua tui sun mathlâk jo achang inchu, intheng mak jo, khava shunga aka-om inthei atui heikhat kha’m intheng mak jo.

³⁵Heikhat chunga kathi kalōng tlâkna kha intheng mak jo; ralei hlungthu leh ratap achanga sukkhōi sik kae,

³⁶kathi kalōng katôn rakip a’nthengmak achang inum, tui kurkhum leh tuisi chu a’ntheng ṭhak kae.

³⁷Khava inkhat in vor sik hmuchi chunga atlâk inchu, hmuchi kha intheng ṭhak sik.

³⁸Tâk-kha hmuchi kha tuia mache jo achang inchu, khava chunga atlâk inchu, intheng mak jo.

³⁹Sâk thei ran inkhat athi’nchu, khava katôn mi kha khōhlei katlunga a’nthengmak sik kae.

⁴⁰Tu inkhat in aravōi ṭhen inkhat asâk inchu, apōn ader asôp mantheng sik, khōhlei katlung a’nthengmak sik kae; tu inkhat in akathi kalōng karôn mi kha, apōn ader asôp sik, kha’num khōhlei katlung a’nthengmak sik kae.

⁴¹Raleia a’nsôn ranhring kasinhei hi nantasâk mak sik kae,

⁴²bok a insôn, ke manlia kalôn, ketam anchanga.

⁴³Hivahei hi sâk a nanbinga insu innim mak ruh.

⁴⁴Kei nan-RŌNGPU, nan-Pathen eng kae, khana nanbinga a’nsuk intheng sik chei kae, ajârchu kei a’ntheng eng kae.

⁴⁵Kei nangni Pathen changtheina sik a Egypt a inphut nanhei kaṭhōisōt RŌNGPU eng kha kae. Nangni a’ntheng nger sik chei kae, ajârchu kei a’ntheng eng kae.

⁴⁶Khan chu, hihei hi va leh ranhring, tui shunga aka-om leh raleia akalôn rakip chunga dân kha kae.

⁴⁷Nangni’n beklanga a’ntheng leh a’nthengmak, ranhring sâk thei leh sâk theimak insing theitak a nantakhōiṭhen sik kae.