Read Komrem LEVI-DÂN 12 Bible Online

LEVI-DÂN 12 - Komrem bible

LEVI-DÂN 12

¹RŌNGPU’n Moses hneng Israelhei sik a

²dânhei hi apek hei. Nuhmei inkhat in sapase aneisōa ni 7, thlatina apōn hmulaia kapōa, beklanga intheng mak.

³Ni 8 ning naidông kha avuntan sik kae.

⁴Khava sōa athi jungna inphut beklanga manthengsōt mak hma kha ni 33 akae sik kae; a’ntheng heite inkhat atôn mak sik; manthengna a’nchai mak hma Pōn-inn inthenga akahlutmak sik kae.

⁵Nuhmei inkhat in sanu anei kahnunga ni 14, thlatina pōn hmulaia kapōa, beklanga intheng mak a kae. Khava sōa athi jungna inphut beklanga manthengsōt mak hma kha ni 66 akae sik kae.

⁶Sapa a-emak leh sanu sik mo, mantheng sōtna kha a’nchai pha, RŌNGPU omna Pōn-inn hlutna kot a ro-inthoina sik kum khat katluk kemōngte leh set-inthoina sik pherva a-emak leh vaṭhu inkhat thempu hneng ahei choi sik kae.

⁷Ama inthoina kha thempu khan RŌNGPU hneng atōk sik khana asetna losōtna sik a bekrōi kha atlopek sik, khan beklanga intheng sik jo. Hivahi nuhmei inkhat in sa aneisōa atlo sik kha kae.

⁸Nuhmei khan kemōngte aneimak inchu pherva 2 a-emak leh vaṭhu 2 ahei choi sik kae, inkhat kha ro-inthoina sik, inkhat kha set-inthoina sik kae, aset losōtna sik a thempu khan bekrōi kha atlopek sik, khan beklanga intheng sik jo.