Read Komrem LEVI-DÂN 15 Bible Online

LEVI-DÂN 15 - Komrem bible

LEVI-DÂN 15

¹RŌNGPU’n Moses leh Aaron hneng Israel mipuihei sik

²dânhei hi aleipek hei. Pase inkhat in a’njapuia inphut thi leh hnai asōk inchu, khavakha a’nthengmak kae,

³a’njapuia inphut khava alasōk-lai achanga, abângsō jo achanga.

⁴Jekhum a’ntungna achanga a jena achanga intheng mak jo.

⁵Tu inkhat ajekhum katôn

⁶khana khava ami lei intungna heikhat chunga ava’ntung khan apōn leh ader asôp a tui a’nsi sik kae, khana khōhlei katlunga a’nthengmak sik kae.

⁷Tu inkhat thi leh hnai kajung mi katôn khan apōn leh ader asôp a tui a’nsi sik kae, khana khōhlei katlung a’nthengmak sik kae.

⁸Thi leh hnai kajung mi khan tu inkhat chunga amachi thlōn inchu, mi kha apōn leh ader asôp sik, tui a’nsi sik kae, khana khōhlei katlung a’nthengmak sik kae.

⁹Rakhum hei leh in-ongna hei thi leh hnai kajung mi le’n ongna hei kha intheng mak jo.

¹⁰Tu inkhat in mipa le’n ongna avakatôn kha khōhlei katlunga intheng mak a kae. Tu inkhat in mipa in-ongna heikhat akadom inchu apōn leh ader asôp a tui a’nsi sik kae, khana khōhlei katlung a’nthengmak sik kae.

¹¹Thi leh hnai kajung mi khan akut sôp loa mi inkhat avatôn inchu, mi khan apōn ader asôp a tui a’nsi sik kae, khana khōhlei katlung a’nthengmak sik kae.

¹²Mi khan ralei bephu atôn rakip vōkkhōi sik kae, khana thing thlengkam atôn rakip sôp mantheng sik kae.

¹³Mipa kha thi leh hnai ajungna kha adam jo pha, ni 7 ahngâk sik kae khava sōa apōn leh ader asôp sik khana akapût tui inthenga a’nsi sik kae, khan beklanga a’ntheng sik kae.

¹⁴Ni 8 ning vaṭhu 2 a-emak leh pherva 2 RŌNGPU omna Pōn-inn hlutna ahei choia thempu hneng apek sik hei kae.

¹⁵Thempu’n inkhat kha set-inthoina, inkhat kha ro-inthoina atōk sik hei kae. Hing’hin mipa inthengna rōi kha atlo sik kae.

¹⁶Mi inkhat in asetui ache jo’nchu ataksa pum a a’nsi sik kae, khōhlei katlung a’nthengmak sik kae.

¹⁷Pōn leh shavun vânga ansyem heikhat chunga setui kha atlâk jo’nchu sôp sik kae, khōhlei katlung a’nthengmak sik kae.

¹⁸Nuhmei leh pase taksa inchunna annei inchu an-inhnibât a tui a’nsi sik hei, khōhlei katlung a’nthengmak sik hei kae.

¹⁹Nuhmei inkhat in thlatina ahmu ri apōn ahmu’nchu, ni 7 a’nthengmak sik kae. Tu inkhat ama katôn mi kha khōhlei katlung a’nthengmak sik kae.

²⁰Thla apōn hmulai heikhat chunga a’n-ong a-emak leh ajena kha intheng mak jo.

²¹Ama jekhuma a-emak leh alei in-ongna heikhat a akatôn mi kha apōn leh ader asôp a tui a’nsi sik kae, khana khōhlei katlung a’nthengmak sik kae.

²⁴Apōn hmulai khan tu inkhat in taksa a’nchunpui inchu amanu intheng makna khan asukset jo, ni 7 intheng mak ning, mipa jena jekhumhei kha intheng mak jo.

²⁵Nuhmei inkhat, thla a apōn hmu kha tei loa, kani ṭhahrep thi ajung inchu, angaia kakhea a’njônjet inchu, thla a apōn hmulai kapōa, athi kha ajōng lai seng ama intheng mak a kae.

²⁶Hiva pha aleijena jekhum leh alei in-ongna heikhat kha intheng mak a kae.

²⁷Khahei katôn mi kha intheng mak jo, apōn leh ader asôp a tui a’nsi sik kae; khōhlei katlung intheng mak ning.

²⁸Athi jung kha abâng pha, ni 7 alahngâk sik, khava sōa beklanga intheng sik jo.

²⁹Ni 8 ning amanu’n vaṭhu 2 a-emak leh pherva 2 RŌNGPU omna Pōn-inn hlutna kot a thempu hneng ahei choi sik kae.

³⁰Thempu’n inkhat kha set-inthoina, inkhat kha romanvâm inthoina atōk sik kae, hing’hin amanu inthengna rōi kha atlo sik kae.

³¹Israel mipuihei intheng makna chunga ṭong kapek sik a RŌNGPU’n Moses hneng aleimanthei, rephōr alaitak a aka-om ama omna Pōn-inn anmannim makna sik a kae.

³²Hihei hi mi inkhat in thi ajungna a-emak leh asetui ajungna chunga,

³³khana nuhmei inkhat thla a apōn hmulai a-emak leh a’nthengmak lai pase inkhat in taksa inchun puina anei chunga dânhei kha kae.