Read Komrem LEVI-DÂN 21 Bible Online

LEVI-DÂN 21 - Komrem bible

LEVI-DÂN 21

¹Aaron innshunga thempuhei hneng hri sik kha RŌNGPU’n Moses hneng ṭong aleipek, “Thempu inkhat in a-innkō mi athi pha ahrena ṭōnhlama atlâk leh beklanga a’nthengmak kha aka-emak sik kae,

²akathi kha anu, apa, asapa, asanu, anaipa,

³khana a-inna ka-om puise lakanei mak asernu achangmak inchu.

⁴Anuhmei tinga a-innkō kathihei jâra a’nthengmak kha aka-emak sik kae.

⁵“Thempu tûte’num kathi ralûm de malârna alu, ahnerhme vomak rasoh, ataksa ât mak rasoh.

⁶Ama a’ntheng sik kae khana karahming amanset mak sik kae. Ama’n thlai inthoina atōk eng kae, ama a’ntheng nger sik kae.

⁷Thempu inkhat in notinu, nuhngâk intheng mak, inṭhenpuisa a-ompui mak sik kae; ama chu a’ntheng kae.

⁸Mipui in thempu kha a’ntheng inkhat a antamandon sik kae; ajârchu ama’n thlai inthoina kha kei hneng atōk kae. Kei RŌNGPU eng kae; kei intheng eng khana Ke’n kamihei kaman theng hei.

⁹Thempu inkhat sanu kha noti achang inchu, ama’n apa rahming amanset, ama kha rohlon sik kae.

¹⁰“Thempu Kalen kha sahrik manthisa jo kae, khana thempu von invon sik a manthengsōt jo, achang jâra ralûm adena malârna asam khuiloa, apōn invon akei hlera aka-om mak sik kae.

¹¹Ama kei sik a tōksōt jo kae khana beklanga a’nthengmak aka-emak sik kae khan chu kei Pōn-inn intheng kha adahlona apa leh anu khet anchang inum akathi inna avakahlut a amannim mak sik kae.

¹³Nuhngak intheng a-ompui sik kae,

¹⁴renghmei, inṭhenpuisa, khana notinuhei chu changthei mak ning. Ajât shunga nuhngak intheng rōk a-ompui sik kae.

¹⁵Achangmak inchu, asahei, a’ntheng mông sik hei kha, beklanga intheng mak hei ning. Kei RŌNGPU eng, Ke’n Thempu Kalen inkhat a kaṭhensōt kae.”

¹⁶Aaron hneng ahri pek sik a RŌNGPU’n Moses hneng ṭong aleipek,

¹⁷“Taksa rabu kakip mak nasōn inkhatbek in kahnenga thlai inthoina hongtōk theimak ning. Hivahi ahei tik chenna sik jo kae.

¹⁸Tûte inkhat taksa bâk kakip mak in tōkna neithei mak ning: hmitkacho, ke inkhōi, hmevei karônhei seng;

¹⁹kut kaṭha inhling theimak, ke kaṭha kathon theimak;

²⁰Aṭhōm kapông mi kabong; hmit leh vunnat karôn; taksa insyem mi.

²¹Aaron thempu sōnhei, taksa kakip mak in thlai inthoina kahnenga heitōk theimak ning.

²²Khava mi khan kahnenga thlai intōk kha asâk thei sik, a’ntheng thlaitōk achanga a’nthengpen thlaitōk kha achanga,

²³tâk ama taksa puitluk makna anei jâra, a’ntheng pinden leh maichâm hnenga chu ahei hnaimak sik kae. Hiva neinâk intheng hei hi amannim mak sik kae, ajârchu kei RŌNGPU eng kae, ke’n kaman theng hei kae.”

²⁴Hivahi Moses’n Aaron leh asahei hneng, Israel mi rakip hneng aleihri kha kae.