Read Komrem ṬAJAISUINA 2 Bible Online

ṬAJAISUINA 2 - Komrem bible

ṬAJAISUINA 2

¹RŌNGPU’n ahnuknat jâra Jerusalem kha inthim in amakhu Khava marvân kapōa alûrna kha amanhmang jo. Ahnuknat ning khan a-Bek-inn kapha’m adahlon jo.

²Judah ram a khō rakip lungsetna kasea Rōngpu’n amanhmang jo Khana ram inhrungna rephōr rakip asukkhōi jo. Rengram leh avaikarônhei kha inzakna apek jo hei.

³Ama hnuknat a Israelhei rathahrat kha akanok jo; Kan-inrepuihei anhong pha ama’n keini inthōpui sik hnōm mak. Neinâk rakip amanhmang sōa hmei kapōa kanchunga ahnuk kana.

⁴Inrepui inkhat kapōa ama’n kanlangting the kâp sik aradin ung; Kanhōina leh kantamadu rakip athatpek jo ung. Jerusalema hin hmei kapōhrep a ahnuknat kha kande.

⁵Inrepui inkhat kapōa, RŌNGPU’n Israel kha amanhmang jo; Amanu rephōr leh a-innpui hei kha suk inhmanga ada jo hei. Judah mihei chunga bângtik kaneimak châmna kha apek hei.

⁶Keini’n ama kankamukna Bek-inn kha ahar-ahak a amakhōi jo; Aman kani intheng hei leh Châmhngat kanihei amanbâng jo. Rn leh thempuhei rakip inum ahnuk kana jo ti anmanhret jo.

⁷RŌNGPU’n amaichâm kha ahlon sōt jo, khana a-Bek-inn adahlon jo; Abanghei kha inrepuihei tasuk manset sik a kahnōm jo. Pha khat a inpâk a kanlei kamukna kha inrepui he’n retorna ka-ông jo hei.

⁸Zion bang kachim sik kha RŌNGPU’n amantluksa jo kae; Pui katluk a manhmangna sik a ama’n tena anei jo kae. Bang leh inn inshâng hei kha tunchu inhmanga ka-omsap jo hei.

⁹Kekot kha akachok shunga katla inhlut jo, ankirna thirtlōn kha’m inbong pet jo. Rn leh mikalenhei tunchu miram a tirsōt kachang jo hei. Dân kha manthei mak jo hei, khana sânkathem he’n RŌNGPU a inphut hmangtalâr hmu nôk mak jo hei.

¹⁰Jerusalema upahe’n raleia sip katia in-ong hei, Anlua vaiphin khana antaksa kha bora pôn ansi. Nuhngâk he’n raleia anhmai andima ka-om hei.

¹¹Kaṭap reina kahmit inthling jo, karathla hi inrim jo. Kamihei suk inhmangna jâra inrenga katluber eng. Naipang leh naidông he’n khōpui hlamdunga sorsam invei hei.

¹²Vonṭâm tuihre jâra, annuhei hneng ka-ônga anbek hei; Antak a’ntôn hei kapōa hlamdunga katlu hei. Khana jâm katia annuhei ângshunga kathi hei.

¹³O Jerusalem, lungset Jerusalem, ke’n heimo kahritor aka-om? Heikhonga mo lungmōng kathlâktor sik che? Hiva kapōa tûte inkhat khōdengthei lade mak Nang châmna hichu tui-ôngpui kapō abângna kase kae; hinahin inhōrna thei om mak jo.

¹⁴Nasânkathem he’n, mihōnna tei loa hri sik neimak hei: Anṭong hrilena nasetna malârhêr loa anhōn jo che. Malung thleng sik rangei mak tia mandonna anpek che.

¹⁵Khōpui kapetan a kahro he’n anhmu che pha hnōisetak a an-en che. Anlu ankachuk a Jerusalem suk manhmangna kha anmanuisōa kae. “Hivahi khōpui kahōi neng kha mo? Hivahi vânhnōi inlensakna kha mo?”

¹⁶Na’nrepui he’n anmanuisō che khana anmater chea anhmit anphenthlōn che. Anhner anhmanhek a anmanuisō che, “Eini’n nisuk manhmang jo! Keini taleihngâk kha hiva kani hi kae!” anti.

¹⁷RŌNGPU’n atlo sik a maṭhitna aleinei kha achaina chu atlosōt jo: Ama’n pha kasôttak gîkna aleipek ung kapōa, lungset inveiloa asuk manhmang jo ung. Ama’n kan-inrepuihei kha torna kha apek jo hei, keini thlûkna khan anmani inpâkna apek jo hei.

¹⁸O Jerusalem, nabang khan RŌNGPU hneng ông roh! Nahmit rathli kha tuidung kapōa sûn leh jân tlân rasoh; Naṭapna leh na’nrengna rōk in tlasam jo roh!

¹⁹Jân kathang ave-avea har ina, Rōngpu hneng ông roh; Namalung pek manhlut ina nasahei sik a lungsetna kha inder roh Hlamdung rakir rakip a naipanghei kha sâk lo inloa kathi jo hei!

²⁰O RŌNGPU enroh! Heisa mo hinghrep a nakarâk ung? Nuhmei he’n antalungset ansahei taksa kha ansâk jo! Thempuhei leh sânkathemhei kha Bek-inn shung khet a anthat jo hei!

²¹Hlamdunga upa naipang kathi ka-om jo hei, Retherhei leh nuhngâk-hei inrepuihei chemjâm vâng kathi jo hei. Nahnuknat ning khan anmani kha lungsetna kasea nathat hei.

²²Kan-inrepuihei kha kei kimvea ṭitna anikapek sik a nang in revei sâktlânga nabek hei. Nang hnuk natna kani ning khan chu tûte inphesōt tor mak ning. Lungset leh marit a kavei manhring kasahei kha anmani’n anthatpek jo eng.