Read Komrem ṬAJAISUINA 4 Bible Online

ṬAJAISUINA 4 - Komrem bible

ṬAJAISUINA 4

¹Kansana kavâr ja-jap hei kha hong kadup jo hei; Bek-inn hlunghei hlamlena inchek-chai jo hei.

²Zion retherhei kha keini sik a chu sana kapōa anman katam, tâk tunchu anmani kha matlak bephu kapōa anlo jo hei.

³Rûtnu kapha’m asa avei hei, tâk kamihei chu valenhei kapōa ante anhōt hei.

⁴Ansahei vonṭâm tuihrea anmanthi hei, tûte inkhat in antapek mak sik bu kha naipang he’n ander lele hei;

⁵Pha khat a bukatui an katui rōk kasak he’n bu kangōia hlamdunga kathihei; kahōia kalura antavei hei khan akachok innim kâra bu anjong jo.

⁶Pathen kut in sōkphutrōia amanthlûk jo hei Sodom hei kanek a kami he’n inhnakchet a karâkna anhmu jo.

⁷Kan-rengsahei an-omchen kaṭha, kavur kapōa intheng hei, ratha annei khana kahrat hei, taksa kaṭhatak a kakhang hei.

⁸Tûnchu anhme manhret theiloa hlamdunga inthlong hei, anhmai thina’n amandup jo hei; anvun kha thing kachâr kapōhrep a anrua kakop jo.

⁹Rea akathihei kha hnungdet a akathihei kanek a kaṭha jôk hei, khava anhringna sik bu neilo jo hei, sâk loa jâm katia akathihei kanek a.

¹⁰Kamihei hnenga inrengna ahong katlung khan ṭit ka-om tak kha ahei rôn; lungset ka-om nu he’n sâk sik a ansahei ansōng hei.

¹¹Rōngpu kha ahnuk kana hranghra jo; Ziona hmei amansûk a khava khan amankâng manvâm.

¹²Khova hmun a mi tûte inkhatbek inum, miram a vaikarônhei kapha’num, Jerusalem kekot kahluttor sik hei tia leitaksen mak hei.

¹³Tâk-kha hivahi kasōk jo, ajârchu anthempuhei kaset hei khana ansân kathemhei ṭhena annei, ṭhenakase hei thina sik antlo jâra kae.

¹⁴Anhlam kakeihei kha hmitkachohei kapōa hlam a kalôn lele hei, antaksa kha thisen in kakopsō hei, tûte’n tôn hnōm mak hei.

¹⁵Mihe’n ka-ông heia anti, “Sesōt ruh! Nangni kachok jo chei! Kei atôn mak ruh!” Khava jâra ram inkhat leh inkhat a kase lele hei, tâk tûte’num ralam mak hei.

¹⁶RŌNGPU’n anmani kha lum lonôk mak jo hei; ama khet in akathek manchai jo hei. Nithempu leh nihlam kakeihei kha ama’n heitea sakmak jo hei.

¹⁷Akahong hêrmak sik jo inthōpuina sik, kanhle mak hma seng kanlei en. Tûte inkhat ani kabôm sik omlolai, keini’n jât inkhat inthōpuina kanleihngâk ṭhak a kae.

¹⁸Kan-inrepui he’n ani-en ravet ṭhak a ka-om hei; hlam a kapha sōk tor mak ung. Keini pha kha inchai jo; a’nchaina kani kha kahong jo.

¹⁹Chungvâna marhmu ajōng suk inrang kakhea, anmani’n keini anhnong jo ung. hmebunga anhnong suk ung; manhret manloa nêrdi ramhânga anphak unga kae.

²⁰RŌNGPU’n akadeisōt kanhringna kung, rengpa kha anmani’n ansur jo, re katlohei inphut ani kahrung sik tia kantataksen ama kha.

²¹Edom leh Uz mihei manui ruh; nan-inpâk torlai hin inpâk jo ruh nan-inrengna sik pha kha’m kahong jo; nangni’m inzak a pōn leh der kasea laka-om sik chei.

²²Zion in asetna man kha apek jo; RŌNGPU’n rehringa miram a atir mak jo ning; Tâk Edom, RŌNGPU’n nang akarâk sik che; nang in ṭhena ṭōn naleitlo kha amalâr sik jo.