Read Komrem EZEKIEL 2 Bible Online

EZEKIEL 2 - Komrem bible

EZEKIEL 2

¹Rasa khan ahria, “Akathithei mihring, ngir roh. Ke’n nahnenga ṭonghri sik kamadu, ati.

²Rasa khan ṭong ahrilai, Pathen rathla’n kashunga kahlut a akadom enga kakea amanngir sōt eng, khana ke’n ṭonghri injom kha kathei,

³“Akathithei mihring, ke’n nang Israel mihei hneng katir sik che kae. Anmani anpu anpahei kapōa, kei kadōi leh kachunga rahe kasehei khana tûn katlunga ani kadōihei kae.

⁴Anmani anracham kase khana akaja mak hei, khava jâra Chunghnung RŌNGPU ke’n anhnenga kahri sik ṭong kha avakahri pek sik a nang anhnenga katir sik che kae.

⁵Sova rahe kasehei son naṭong anrangei che’num anrangei mak che’num, ankâra sânkathem inkhat ka-om ti rōk chu anmanhret sik jo.

⁶“Tâk-kha akathithei mihring, anmani leh anmani’n heikhat antahri kha naṭitmak sik kae. Anmani’n nang hnōm mak hei tin khana anhnōise sik che; aipui tûr kaneihei kâra aka-om ka-ang sik che. Kha’num, sova rahe kasehei leh heikhat antahrina chunga ṭitna neimak roh.

⁷Nang hneng hri sik a kamanthei che rakip kha, anrangei inum anrangei mak inum, akhenga namanthei sik hei kae. Anmani heituk a rahe kasehei mo mandon roh.

⁸“Akathithei mihring, kamanthei che kha rangei roh. Anmani kapōa narahe manse mak roh. Nabei man-âng roh, ke’n kapek sik che hi sâk roh.

⁹Kut inkhat kahnengting aheirajit sōt a, a’nze hlom inkhat amatu kha kahmu.

¹⁰Kut khan a’nze kha amazersōt a alang hnia a’nzet kha kahmu, khana khan pengna, inkōina leh ha karôtna ṭong inzet heia kae.