Read Komrem EZEKIEL 23 Bible Online

EZEKIEL 23 - Komrem bible

EZEKIEL 23

²Ama’n ati, “Akathithei mihring, pha khat a nuhngâk unai 2 ka-om hei.

³Anmani nuhngâk anchang lai, Egypt ram a ka-om hei, annuhngâk inthengna kha inhmang jo hei, noti hongkachang jo hei.

⁴Upanu rahming kha Ohola kae, (amanu hi Samaria kahlanga ka-om), khana naipangnu kha Oholiba anti. (amanu hi Jerusalem kahlanga ka-om) Ke’n anmani 2 kha ka-ompui hei, khana sa leh nai anmatet pek eng.

⁵Ohola kha kei nuhmei achang inum, anoti chang kha atlo ṭhak a kae, khana Assyria ram a alungset hei chunga amadu arangeina kha kasip.

⁶Anmani kha pōn sendup kasi, mikalen mikalûr ṭōnpui karônhei kae; ankhenga hme kaṭha rether shakor kachōng remihei kae.

⁷Amanu kha Assyria ṭōnpui karôn rakip hei noti kae, khana ama madu rangeina khan Assyriahei limsyem kha ava kamuk a abinga inbōk innim.

⁸Anuhngâk intheng amanhmangna Egypt ram a noti chônna kha atlo manjôn jo. Anuhngâkte ahongchang bia inphut pase he’n anheije pui jo khana noti inkhat a anheihmang jo.

⁹Khava jâra ama’n amaduhêr Assyria alungset hei kut chunga kapek sōt jo.

¹⁰Anmani’n apōnsi anlosōt pek a asanu asapahei ansur pek hei, khava sō leh chemjâm vânga amanu anthat. Amanu mahâmsetna ṭong hmuntina nuhmei he’n houlim tlona annei.

¹¹“Anainu Oholiba khan hiva omchen hi ahmu tâk amanu invet chet, Ohola kanek a noti kachangdet.

¹²Amanu hi’m Assyria mikalûr leh mikalenhei khana ṭōnpui karônhei, akadi rik-rak remi invona kaneihei, khava shakor kachung remihei, hme kaṭha rakip retherhei, khahei chunga maduna anei hei.

¹³Amanu kha 2 changna anainu hi’m, ahma kakei a-unu kapō kae jo, pui katluk a jông leh kîk atlo jo ti kahmu jo.

¹⁴“Amanu hi jông leh kîk ashung inthûk a kahlutdet det jo. Babylona ṭōn kalen katlohei anlim banga antahem mazet hei khana lârsen kalâr vâng antakano, ankhôn khitna ṭōmsui khana anlu chunga kaṭhadek a lu anta’nkôm hei khan amalung ankeimanhlut pek jo.

¹⁵

¹⁶Amanu’n ahmulim hei leh amalunga maduna’n kasip a Babylona anhnenga mi atir jo hei.

¹⁷Babylonhei kha amanu leh inchun sik a kajōng hei. Anmani’n amanu kha khang hrep a anhmanga anmanset jo, achaina chu anmani’n ning anhong chê jo.

¹⁸Amanu kha mipui hmaikunga inlâr, mi rakip in amanu noti kae ti kha manhretna anhongnei jo. A-unu kaleimater kapōa amanu hi’m kamater jo.

¹⁹Amanu hi hma kanek a noti kachangdet jo, Egypt ram a anuhngâkte chang laia noti aleitlo kapōa atlo jo.

²⁰Shakōrtung a-emak leh shakor chehei kapōa maduna akanei pase, kakhea taksa inchunna ratha kanei tor hei maduna khan amanu malung kha kasip a kae.

²¹(Oholiba, Egypt ram a nuhngâkte inkhat nachanglai jông leh kîk natloa naṭhena hei, khana khan pase he’n nane indeina anneia na-inthengna namanhmang kha tlo nôk sik a namadu jo.)

²²“Khava jâra tûnchu, Oholiba, hivahi Chunghnung RŌNGPU ke’n nahnenga kahri kae. Nang khava nalungset hei kha narin jo hei, tâk nachunga anmani hnuk natna kamannei sik hei khana nang kakekhumna sik kaheiṭhōi sik hei.

²³Chaldeahei leh Babylon rakip, Pekodhei, Shoa leh Koa mihei, khana Assyria mi rakip kaheiṭhōi sik hei. Khava hme kaṭha rether kalûr kalen rakip, apui karôn ṭōnpui karôn rakip khana shakor kachōng hmun inshânga aka-om rakip kamantûp sik hei.

²⁴Remi katamtak leh shakor gârihei leh khana sâk leh in karôn gârihei leh inṭhōia sak tinga inphut anmani’n anbuhlu sik che. Inhuk theina pho leh lukhu anneia ankakekhum sik che. Ke’n nang ankut chunga kapek sōt sik che, anmani’n andân dungjuia naṭong antan sik jo.

²⁵Ajârchu nachunga kahnuk kana, anmani’n hnuknat pum a nang anrazen sik che. Nahnar antuktan sik, nahmit ankhersōt sik, khana nasahei anthat sik hei. Kadik, nasapahei leh nasanuhei nahnenga inphut anṭhōi sik hei khana hmeia hringpuma anro sik hei.

²⁶Napōnsi ankeihler sik khana nasana dangka anchom sik che.

²⁷Nang maduna khana Egypt a na-omlai inphut mater ka-om omchen naleitlo kha kamanbâng sik che. Ave nôk a limsyem enmak jo tin che khana Egypt chungchânga mandon mak jo tin che.”

²⁸Hivahi Chunghnung RŌNGPU’n ahri kha kae, “Nang in namater hei leh ning nachê hei kut a kapek sōt sik che.

²⁹Anmani’n anmater che jâra naṭōn leitlona rakip kha anchom sik che khana pōn kasea nakarōk a, noti kapōa ankeisō sik che. Nang maduna leh noti changna khan

³⁰hivahi nachunga ajōng rôn sōt kae. Nang jât-hlop hei noti che kae khana anmani limsyem khan amanbōk chea kae.

³¹Nang in na-unu kebi kha najui jo, khava jâra a’n-anghrep karâkna kōklei kha na-in sik a kapek sik che.”

³²Chunghnung RŌNGPU’n ati, “Na-unu kōkleia inphut na-in sik; khavakha kalen inthûk a kae. Mi rakip in anrasei sik che khana anhnōise sik che; ajârchu kōklei kha kasip.

³³Khava khan inrengna leh ju inruina apek sik che, khava ṭit ka-om leh inhmangna kōklei kha, na-unu Samaria kōklei kha.

³⁴Nang in na-in pha na-insōreng sik, khava akakōi ahar vânga khan na-ôp nakarittan sik.” Kei Chunghnung RŌNGPU’n kahri jo.

³⁵Tûnchu hivahi Chunghnung RŌNGPU’n ahri kha kae: “Nang in namahngi enga nakahnung nasongṭhlōn eng jâra, nang maduna jâra leh noti nachang jâra inreng nade sik kae.”

³⁶RŌNGPU’n kahnenga ṭong ahri, “Akathithei mihring, Ohola leh Oholiba chunga ṭong tanna sik a’ntluk che mo? Anmani’n mater ka-om omchen antlo jâra dem hei roh.

³⁷Anmani’n mipuisehei leh indu hei khana mi anthat a kae, limsyemhei leh indu hei khana sapa antanei pek eng hei kha anthat jo hei. Anmani limsyem hneng kasapa inthoina antōk hei.

³⁸Anmani tatlo kha khaseng khan la’nchai mak. Kei Bek-inn anmanbōk khana ke’n kaleiphunsōt Châmhngat kani anvōkkhōi hei.

³⁹Limsyem kamukna sik a kasahei inthoina antōk ning hei khan anmani ka-Bek-inna kahong heia anmanbōk a kae!

⁴⁰“Ave-avea hmun kahlatak a inphut mi bekna sik a mi antir heia mihei kha kahong heia kae. Unai 2 hei khan tui insi heia anhmit a kajal ankanoa, maṭhi hrui an-ôra kae.

⁴¹Jekhum kaṭhatak chunga in-ong hei, mihei hmaikunga ke’n kaleipek hei marim katui leh olive thai kha inveina neinâk kaṭha kasiptak dokhânga anda a kae.

⁴²Mipui rasa kha inthei, nêrdiram a mi rup khat ankeimanhlut hei. Anmani khan nuhmeihei kut bânna zakser anmannei hei, anlu chunga lenlukhu kaṭhatak anmankhu hei.

⁴³Khana kabinga kahri, mi puise leh akajông joa akaṭōiber jo nuhmei so notia anmani’n anhmang jo,

⁴⁴Anmani’n hiva noti hei hneng ave-avea inle nôk hei. Anmani Ohola leh Oholiba, omchen kadikmak nuhmeihei hneng inle nôk hei.

⁴⁵Mikadik he’n anmani anjôngna leh mi anthatna jâra andem sik hei, ajârchu mi puise an-indupui hei khana ankut thisen kakop heia kae.”

⁴⁶Hivahi Chunghnung RŌNGPU’n ati kae: “Anmani kasuk inrim sik a mipui heiṭhōi hei ruh khana chom hei ruh.

⁴⁷Mipuihei khan hlung vâng denghlon hei rasoh khana chemjâm vâng buhlu hei rasoh, ansahei thapek hei ruh khana an-inn hmei ro pek hei ruh.

⁴⁸Ram pumpui shunga aka-ôkmak omchen kamanbâng sik kae, nuhmei rakip in mi puise leh induna antanei kha atlo makna sik a gîkna kae.

⁴⁹Khana nangni unai inhni — nankajông leh limsyem kamukna setna jâra karâkna kapek sik chei kae. Khava sō leh kei hi Chunghnung RŌNGPU eng kae tia nanmanhret sik jo eng.”