Read Komrem EZEKIEL 41 Bible Online

EZEKIEL 41 - Komrem bible

EZEKIEL 41

¹Abâna, mipa khan alaitak innden, Hmun Intheng shunga aṭhōi eng. Khava jōnna hlamte kha atea metre 3 inthûk a kae

²khana metre 5 avai kae, asir inhnia banghei khan metre 2 leh aher insâ. Innden kha’m atea metre 20 kasei, khana avai metre 10 kae.

³Khava sōa ashungpena inndenting kase. Khava jōnna hlamte kha atea metre inkhat inthûk khana avai metre 3 kae, asir inhnia banghei khan metre 3 leh aher insâ hei.

⁴Innden kha’m atea khavakha metre 10 adung avai in-anga kae. Hiva innden hi alaitak a innden kha nikhe leh ka-om. Hivasōa ama’n kahnenga ati, “Hivahi Hmun Inthengpen kae.”

⁵Mipa hin ashung intong bek-inn rape bang insâ kha atea metre 3 kae. Hiva bang hi leh rabek mankop a, bek-inn akimvea, avai metre 2 a innden atete abân bâna ka-om hei.

⁶Hiva innrabek hei hi chungting athō 3 et hei kae, athō inkhat a den 30 et ka-om. Bek-inn vâng intonga rape bang kha: thōitinga inndenhei bang kanek a, chunga denhei bang kha inpa det-det hei, hivahi chung intong inndenhei khan thōia heite manhngamna, asunkakena syemloa bangchung bât a khan anngir torna sik a kae.

⁷Hiva jâra Bek-inn kha vângtinga nihei-en leh athōi inphut achung katlunga a’nsâ kha thakhat a nihmua kae. Bek-inn vâng intong rape banga khan, inndenhei vângting khan, chung ketouna kechōnna 2 kalentak a ansyem hei, hivahi athōi innden a inphut alaiṭim innden leh chungpena innden a setheina sik a kae.

⁸Hiva inndenhei vâng intonga bang hi metre 2 leh aher insâ; Bek-inn sak intonga inndenhei hin kot inkhat indo, khana thlang intonga inndenheia khan kot inkhat indo. Bek-inn kimvea khan nala avai metre 2 leh aher adung katlân kha kahmu; khavakha ralei hmaia inphut metre 3 inshângdet a ka-om, khavakha bek-inn rape banga bekmankop inndenhei innhmun inshâng leh intōk a ansyem kae. Tuihlam kha leh thempuhei tahmang inn akâr kha ramhâng inkhat metre 10, Bek-inn langting adunga ka-om.

¹²Bek-inn tlaitlâk tinga ramhâng abângna khan inn inkhat metre 45 kasei avai metre 35 inkhat ka-om; akimvea abang kha metre 2 leh aher insâ.

¹³Mipa khan Bek-inn vâng intong kha atea khavakha metre 50 kasei. Bek-inn kahnungtinga inphut ramhâng kha nipetana, tlaitlâk tinga innsir katlunga akasei kha metre 50 nôk kae.

¹⁴Bek-inn hmatinga inphut asir inhnia ramhâng petanna metre 50 nôk kae.

¹⁵Tlaitlâk tinga inn kha atea, asir inhnia asumpuk inveina, metre 50 nôk kae. Bek-inn hlutna innden, Hmun Intheng, khana Hmun Inthengpen

¹⁶khahei kha ralei hmaia inphut thlikot katlunga thingpek vânga anrabekpet hei. Hiva thlikot-hei hi makhu thei hei kae.

¹⁷Bek-inn shunga banghei, kot inshâng katlunga, antahem limret hei khan amakhusō,

¹⁸kahno bō leh mathla kanei ranhringhei lim khan. Kanobō kha leh ranhringhei lim kha anmazet hei, inkhat bâna inkhat, innden akimve katlung bit a. Ranhring inkhat et kha ahmai 2 et annei:

¹⁹mihring hmai, khava khan kahno bō langa ahnget, khana shabakkai hmai, khava khan thingkung langa ahnget a kae. Khang’khan bang kimve katlung bit a kae,

²⁰ralei hmaia inphut kot chung katlunga.

²¹Hmun Intheng kot kachohei kha adung avai in-angtling hei. Hmun Inthengpen hlutna kot hma khan thing maichâm

²²akapōzek inkhat ka-om. Khavakha metre inkhat leh aher inshâng khana metre inkhat inpâk. Khava arakira kacho kha, khava intungna akung kha, khana asir-apang kha, thing rōk vânga ansyem. Mipa khan kahnenga ati, “Hivahi RŌNGPU omna matungsōt dokhâng kha kae.”

²³Hmun Intheng jōnna hlamte abângna khan kot inkhat ka-om khana Hmun Inthengpen jōnna hlamte bângna khan kot inkhat ka-om nôk.

²⁴Khahei kha alaiṭima kot 2 inhlanga aka-om hei kha kae.

²⁵Hmun Intheng kot heia khan kahno bō leh mathla kanei ranhringhei lim anhem heia banga rabekna kapōa anrabek hei. Ashung hlutna innden kot avâng langting kha thingpek vânga anhem makhu sia ka-om.

²⁶Hiva innden sira hin thlikot ka-om hei, khahei bang kha kano kunghei vâng aret ansyem.