Read Komrem EZEKIEL 46 Bible Online

EZEKIEL 46 - Komrem bible

EZEKIEL 46

¹Chunghnung RŌNGPU’n ati, “Ashung intonga telaia nisō kot kha ṭōn tlona sik kani 6 ning chu kam a da sik, tâk Châmhngat kani leh Thlather Revei ning chu mahlang sik hei kae.

²Vaikarôn reng kha avâng intong telaia inphut kot hnenga ka-om ashung hlutna innden a kase sik, thempu he’n ro-inthoina leh inlôikhômna inthoina atōklai seng ama kha kot kachohei sira kangir sik. Kot a khan akamuk a avea kasōk nôk sik. Kot kha khōhlei katlunga inkammak ning.

³Châmhngat kani leh Thlather Revei rakip a mi rakip um kot hma hin a’nkun heia RŌNGPU antakamuk sik kae.

⁴“Châmhngat kani ning reng khan RŌNGPU hneng ro-inthoina, kemōng tere 6 leh kemōngche 1, nōrna kase rōk aheikei sik hei.

⁵Kemōngche inkhat leh inṭhōia hmuchi litre 17 leh aher khana kemōng tere inkhat leh inṭhōia heimo apek hnōm rakip ahei choi sik. Hmuchi inthoina rakip a olive thai litre 3 ahei choi sik kae.

⁶Thlather Reveia sehrat chere 1, kemōng tere 6, kemōngche 1, nōrna kase rōk atōk sik hei.

⁷Sehratche 1, kemōngche 1 et a inṭhōia hmuchi litre 17 leh aher tōksa sik kae, khana kemōng tere 1 leh inṭhōia reng in apeksa hnōm rakip atōksa sik. Khang khava hmuchi inthoina rakip a olive thai litre 3 leh tōksa sik kae.

⁸Reng khan kot hnenga ka-om ashung hlutna innden, ahong hlutna tinga khan kasōk nôk sik.

⁹“Mipui he’n revei rakip a RŌNGPU inmuk sik a anhong pha, sak tinga kot a akahlut hei khan kamukna anneisō leh thlâng tinga kot a khan akasōk sik hei kae, khana thlâng tinga kot a akahlut hei khan sak tinga kot a khan akasōk sik hei kae. Tûte inkhat in ahong hlutna kot a khan sōk theimak ning, ahlop kot a akasōk sik kae.

¹⁰Reng kha mipui he’n anhong pha kahong sik khana anmani’n ansōk pha ama’m kasōk sik.

¹¹Revei ning leh revei ning heia hmuchi inthoina khachu sehratche leh kemōngche khana litre 17 leh aher leh inṭhōia tōk sik kae, khana kemōng tere leh inṭhōia kamukna akahong rakip in antapek hnōmseng antōk sik.

¹²“Vai karôn reng khan heikhat RŌNGPU hneng atōk hnōm pha, ro-inthoina achanga inlôikhômna inthoina achanga, ashung intong telai hlutna nisō kot kha mahlang pek sik kae. Ama’n Châmhngat kani ninga tōkna kapōa inthoina atōk sik, khana kot kha ama asesō leh kam nôk sik kae.”

¹³RŌNGPU’n ati, RŌNGPU hnenga inthoina, “Ani katai jîngkâra, kum khat katluk jo kemōng tere nōrna kase kha apum a ro sik. Hiva inthoina hi ani katai tōk sik kae.

¹⁴Khana jâmdi kilograme 2 sâm leh olive thai litre 1 leh manheia jîngkâr kataia tōk sik. RŌNGPU hnenga hiva inthoina dân hi ahei tik a manse sik kae.

¹⁵Kemōng tere, jâmdi, khana olive thaihei hi jîngkâr katai ahei tik a tōk sik hei kae.”

¹⁶Chunghnung RŌNGPU’n ṭong apek, “Vai karôn rengpa’n ramṭhen inkhat asahei hneng kutchoia apek inchu, khava ram kha asapa khan a-innshung karōi inkhat a achen sik kae.

¹⁷Tâk-kha vaikarôn reng khan ramṭhen inkhat aṭōn katlo inkhat hneng apek inchu, Pekmalena Kum kha ahong tlung pha reng karōi kachang kha male nôk sik kae. Ama karōi kae, ama leh asapa rōk he’n inhling loa antanei sik kae.

¹⁸Vaikarôn reng khan mipuihei karōi inkhatbek alo mak sik kae. Asahei hnenga apek ram heikhat kha ama ram chen shunga inphut akachang sik, hivahi kamihei ram alopek heia, asuk manrim makna sik heia kae.”

¹⁹Khava sōa mipa khan ashung intong telaia, thlang tinga asira kot hnenga, sak ting kahnget innden ashung hlutna khan aṭhōi eng. Hihei hi thempuhei sik a hmun intheng hei kae. Khava inndenhei tlaitlâk tinga khan hmun inkhat akut a akhînga

²⁰ati, “Hivahi thempu he’n set-inthoina hme khana pekmalena inthoina hme sōngna, machōrna leh inthoina jâmdi kachepna hmun kae, hivahi mipuihei manbōk theina, a’ntheng neinâk heikhat kha vângting anchoisōt makna sik a kae.”

²¹Khava sōa vâng intong telaia aṭhōi eng khana khava arakir 4 heia khan akasindet telai ka-om hei, metre 20 kasei leh avai metre 15 hei kha amanhmu eng.

²³Inkhat et akimvea hlung rape ankhâr, rape a khan hmei ratap anmankop a ansyem hei.

²⁴Mipa khan amanthei eng, “Hihei hi thlaisōngna innhei kae, Bek-inna sōk he’n mipuihei inthoina hme antamachōrna hmun kae.”