Read Komrem HOSEA 14 Bible Online

HOSEA 14 - Komrem bible

HOSEA 14

¹Israel mihei, RŌNGPU nan-Pathen hneng hong inle ruh. Nanset na’n amanpai cheia amantlû jo chei.

²RŌNGPU hneng ho’nle ruh, hiva derna hi ahnenga inthoina chang rasoh: “Kansetna rakip arangei mandam roh, kanderna arahlâng pek roh, khana kanṭong intepna kapōa nang kanchoi ka-ân sik che.

³Assyria he’n keini ahei tik a’m ahuk tor mak ning, re shakor he’n ahrungtor mak ning. Kanlimhei hnenga, ‘Kan-Pathen, O RŌNGPU’ ti nôk mak jo ning, anka-en sik tûte aka-om mak hei hnenga nang in lungset namalârpek heia kae.”

⁴RŌNGPU’n ati, “Kamihei kahnenga kaheiṭhōi male sik hei. Kamalung pumpuia kalungset sik hei; anchunga kahnuk natnôk mak jo ning;

⁵Israelhei hnenga kei hi ram chârna khōtui kapō kachang sik eng. Anmani reipâr kapōa kapâr sik hei; anrajung kahnet a anthō sik Lebanona thingkunghei kapōa.

⁶Anjîk ther ansôna kadông sik hei, Olive theikung kapōa kaṭha sik hei. Lebanona cedar thing marim kahōi kapōa Anmarim kahōi sik.

⁷Ave nôk a kei hrungna thōia ka-om nôk sik hei. Anmani’n hmuchi anling sik, vomhrui rahōn kapōa inra sik hei. Lebanona ju kapōa inthang sik hei.

⁸Israel mihei khan limhei kha heite manlomak jo hei ning; Anderna kamasôn sik hei khana kahrung sik jo hei; Thingbō in-êm ṭhak kapōa in-ungna kapek sik hei; Kei anmani mahâmṭhat rakip heikōnna eng kae.”

⁹Mikasing he’n hinna inzet hei hi manhret rasoh, anmalunga inda hei rasoh. RŌNGPU hlam chu akadikhei kae, mikadik he’n khahei kha anjuia kahring hei, mikaset he’n andon mak jâra inpai heia katlu ri hei.