Read Komrem HOSEA 4 Bible Online

HOSEA 4 - Komrem bible

HOSEA 4

¹Hiva ram a ka-om mihei chunga RŌNGPU’n mô pekna inkhat anei. Israel, kaṭong hri hi rangei roh: “Ram shunga hin hlamrinna, khana inlungsetna om mak a kae, khana mipuihei hin kei hi Pathen tia ahnōm mak hei.

²Anmani’n intepna hei ansyem khana anvōkkhōi bât; maleisei, mithat, inru, jông leh kik antloa kae. Invōk-inthat hong katam jo, mihring inthat hi inkhat bânna inkhat hong kapung jo.

³Khava jâra ram shung hi hong kachâr sik, hiva chunga aka-om rakip karampet sik hei. Ramsha leh vahei khana ngahei kapha kathi sik hei.”

⁴RŌNGPU’n ati, “Tûte’num mipuihei kha themmô pek mak hei rasoh, khana hnōm mak tlomak hei rasoh, kei inphinna hichu thempu nangni chunga kae.

⁵Sûn leh jân akae makjen nantloṭhak, khana sânkathemhei khan nangni kanek a akaṭha tlodek mak hei. Ke’n nannu Israel kha kasuk manhmang sik.

⁶Kami he’n anhnōm mak eng jâra inhmang jo hei. Nangni thempu chei in kei ahnōm mak chei khana kaman theina chei rahlâng mak chei, khava jâra ke’n kahlonsōt jo chei khana nansahei leh kathempuhei kha kahlonsōt heia kae.

⁷“Thempu nantam chenna kei dōina setna nantlochet, khava jâra nanlûrna kha inzakna kamanchang pek sik jo chei.

⁸Kamihei setna jâra nangni kahao chet-chet jo chei, khava jâra anmani kha setna nanmantlo hnōm chet-chet hei.

⁹Mipuihei kapōa nangni’m inrimna nantachen sik kae! Ke’n karâkna kapek sik chei khana nanṭōn tlona dungjuia tloman kapek sik chei.

¹⁰Inthoina shunga nanchen kha nansâk sik, tâk-kha nanvon kaṭâm injôn sik. Nangni’n sa leh nai kapek pathenhei kha nankamuk sik, kha’num sa chu neimak tin, ajârchu nangni pathen ralak juina sik a keia inphut kasesōt chei.”

¹¹RŌNGPU’n ati, “Juther leh jumarō khan kamihei manhretna amanhmangsō jo!

¹²Anmani’n thinghar inkhat a inphut ṭong phôngna kha anngek a kae. Sung inkhat in antamanhret hnōm kha ahri pek hei! Anmani’n andahlon jo eng. Noti kachang jo nuhmei inkhat kapōa, pathen ralak hnenga inpek sōt jo hei.

¹³Tlâng hmora hmun intheng heia inthoina antōk a kae, khana hmebung heia thingkung inshâng leh akalenhei hnōia marim katui anro hei, ajârchu thing daihlim kha kahōia kae! “Khava jâra, nansa nuhmei rakip in noti ṭōn antlo, nanhmōi he’n kajông heia kae.

¹⁴Kha’num khahei sik jâra karâkna pek mak hei ning, ajârchu nangni khet um bek-inn noti hei hneng kahlut chei khana anmani leh bekna kaneimak hei inthoina kha nantōk a kae. Ṭongchîk in ahri kapōa, ‘Manhretna kaneimak mihei kha a’nhmang sik hei kae.’

¹⁵“Israel mihei nangni’n taksenthei nanchangmak inum, Judah hei chu khava kapōa ṭhena neimak hei rasoh. Gilgal a leh Bethavena kamuk mak ruh, a-emak leh akahring RŌNGPU rahminga intepna neimak ruh.

¹⁶Israel mihei hi shakor kasîn racham kase kapōhrep hei kae. Heikhonga mo ramhânga kemōnghei kapōa kaveitor sik hei?

¹⁷Israel mihei hi limhei kamukna ṭong rōk a kase jo hei. Anbing racham et a sehei rasoh.

¹⁸Ju katamtak an-insō leh, noti omchen kha anmadua kae, kajana kanek a inzakna chen sik anmadu jôk a kae.

¹⁹Thlihrâng kapōa atlensō sik hei, khōvelhei inthoinahei chunga khan inzakna anchen sik jo.