Read Komrem HOSEA 6 Bible Online

HOSEA 6 - Komrem bible

HOSEA 6

¹Mipui he’n anti, “RŌNGPU hneng inle jo rih! Ama’n nitak amantôn jo me, tâk ama’n amandam nger sik me; ama’n amantôn jo me, tâk ninat bi kha akatōmpek sik me, tlomak ning mo?

²Ni 2 ni 3 shunga ama’n amanhar nôk sik me, khana ahmai kunga ka-om sik me.

³RŌNGPU kha manhretna sik tlo rih. Jîngkâr khōvâra nihnenga kahong nger sik, zerkhōlaia khōsûr in raleia tui apek kapōa.”

⁴Tâk-kha RŌNGPU’n ati, “Israel leh Judah, nangni hi heimo kamanlo sik chei? Nanlung setna eng kha jîngkâr sumphai kapōa inranga inhmang jo; jîngkâr hmatak a a’nhmangbât radaitui kapō kae.

⁵Khava jâra nanhnenga kasân kathemhei kha ṭong tanna leh suksetna ṭong leh inṭhōia kahei tir hei kae. Nangnia inphut kamadu khachu akabeitek leh a’nthengseng kha kae:

⁶Nanlungset inhling mak kha kamadu, nanran inthoinahei kha changmak. Kahnenga ran ro-inthoina kanek a kami he’n kei anmanhretna eng kha kamadu jôk.

⁷“Tâk-kha anmani’n ram kha Adam inti hmun a anhonghlut bia anmani leh ka-intepna kha anvōkkhōi jo.

⁸Gilead hi mikathat leh mikaṭhamak sipna khōpui kae.

⁹Thempuhei kha mi kahlō inru rup kapō hei kae. Hmun intheng sena hlam a Shechema kapha mi anthat a kae. Hiva ṭhatmak hi tlo mông rung tia antloa kae.

¹⁰Israel a hiva ṭit ka-om ṭōn intlo hei hi kahmu jo: kami he’n limsyem ankamuk a anbinga insu innim jo hei.

¹¹“Khana Judah mi nangni sik a chu, nanṭōn tlona leh nangnihei chunga karâkna sik pha katep jo.