Read Komrem HOSEA 9 Bible Online

HOSEA 9 - Komrem bible

HOSEA 9

¹Israel mihei, khōvelhei kapōa nanrevei tlo kha hai ruh. Nangni nan-Pathena inphut inhesōt cheia, taksenthei changmak jo chei. Nangni nanbibinga ram pumpuia noti kapōa Baal pathen hneng injōr chei khana ama’n apek sik ung tia nantamandon seng kha nanmadu joa kae.

²Tâk-kha inrangtak a sâng leh olive thai nankatluk a neimak tin chei, vomhrui ju kha’m om mak jo ning.

³Israel mihei kha RŌNGPU ram a khan om mak hei ning tâk Egypt ram a inle nôk sik heia kha Assyria ram a inthenglo thlai kha ansâk sik.

⁴Khava ram hlop shung heia khan anmani’n RŌNGPU hneng vomhrui ju tōkna nei tor mak hei ning, a-emak leh an-inthoina heichoitor mak hei ning. Anthlai kasâk rakip kha thi ninga thlai sâkna kapōa, amannim sik hei. Khavakha anmani von khopna sik rōk a kachang sik; inkhatbek um RŌNGPU Bek-inna tōkna tia inlomak ning.

⁵Khana RŌNGPU kajana revei sâktlâng tlona pha kha ahong pha, anmani’n heimo antatlo sik jo?

⁶Inrengna ahong pha, mihei kha an-inchek pha, Egypt he’n Memphis a vûmna sik heia anmani anmantûp sik jo hei! Anmani dangka karōi bukna leh an-innhei, pha khat a anlei matungna hei kha rahling chap leh kahar he’n akabuksi sik jo hei.

⁷Mihei khan anrahōi kasōk karâkna anrahlângna sik pha kha kahong jo. Khavakha ahong tlung pha, Israel in amanhret sik! Nang in nati, “Hiva Sânkathem hi mikamo kae. Hivahin mihe’n invetna annei jo.” Mipui nangni’n hingtuk hrep nanmater eng ajârchu nansetna kha khang hrep a kalen jo.

⁸Pathen in ami Israelhei gîkna sik a kei ajōngtir eng kae. Kha’num kasena chen a, kei hi va kapōa man-ôk sik a châng nankam. Pathen Bek-inn shunga kapha mihei kha sânkathem indōipui kachang hei.

⁹Gibeah a anta leitlo kapōa anmani antlona rakip a inhōrna kasea ṭhamak hei. Pathen in ansetna amandonsōt a khava sik a karâkna apek sik hei.

¹⁰RŌNGPU’n ahri, “Ke’n hmapena Israelhei kahmu sōt hei pha, nêrdiram a vomhrui kahmông a’nhmusōt ka-ang. Ke’n nanpu-nanpahei ahma inkeia kahmu hei pha, kum a ahma kakei theichang kahmin hmusōt ka-ang heia kae. Tâk-kha anmani Peor Tlânga anhongtlung pha chu, Baal kamuk anphut jo, inrangtak a an-pathen kapōa mater ka-om jo hei.

¹¹Israelhei lenna kha va kapōa kajongsōt sik jo, sa neimak jo hei ning, nuhmeihei nai vonmak jo hei ning, nai rônmak jo hei ning.

¹²Tâk-kha, anmani’n naipang anvei manhring inum, ke’n kalosōt sik heia kha inkhatbek kahringa dahlon mak hei ning. Ke’n anmani kadahlon hei pha, ṭit ka-omtatak anchunga kasōk sik.”

¹³RŌNGPU, ke’n naipanghei antahnong hei kha kahmu hei.

¹⁴Hiva mihei hneng heimo tlo sik a nahnenga kader sik che? Annupui manching hei roh! Annai dông manveitor mak hei roh!

¹⁵RŌNGPU’n ahri, “Anṭhatmak tlo rakip hi Gilgal a inphut jo kae. Khana inphut ke’n kamater manphut jo hei kae. Ṭhatmak antlo jâra, karam a inphut kahnong sōt sik hei kae. Lungset nôk hêrmak jo hei ning; anhlam kakei seng in kei andōi enga kae.

¹⁶Israelhei kha arajung kachâra kara inramak theikung kapō hei kae. Sa neimak hei ning, annei inum antamarittak sahei kha kathatpek sik hei.”

¹⁷Asepa karazen Pathen khan amihei ahlon sōt sik hei, ajârchu anmani’n aṭong rangei mak hei. Anmani jât-hlop hei kâra akalôn-invai kachang sik hei.