Read Komrem AMOS 2 Bible Online

AMOS 2 - Komrem bible

AMOS 2

¹RŌNGPU’n ahri, “Moab he’n ave-avea setna antlo jo, khava jâra karâkna kapek nger sik hei. Anmani’n Edom rengpa aru hei katlunga kajana neiloa hmeia anro manvâma kae.

²Khava jâra ke’n Moab chunga hmei kajōng mathlâk sik, Kerioth rekur kakângsō sik. Moab mihei hi remi he’n an-ônga pengkun anheitum pha, re rasa rōk khan kathi sik hei.

³Ke’n Moab vaikarôn leh anhlam kakeihei kathasō sik hei.”

⁴RŌNGPU’n ahri, “Judah he’n ave-avea setna antlo jo, khava jâra anchunga karâkna kapek nger sik hei kae. Anmani’n kaṭong pek juimak hei khana kaman theina donmak hei. Anpu sōnhei tarazen pathen kadikmak mama khan aṭhōi manhmang hei.

⁵Achang jâra, Judah hei chunga hmei kajōng mathlâk sik, Jerusalem rekur kakângsō sik.”

⁶RŌNGPU’n ahri, “Israel he’n ave-avea setna antlo jo, khava jâra anchunga karâkna kapek nger sik kae. Anmani’n mikadik-hei, ansêrbat kapek tor mak, kekōk kop khat man akapektor mak sarahei kha, sōk a anjōr hei.

⁷Anmani’n mi katlasam hei, inthōpuina kaneimak hei, anchōn rachi hei khana sarahei kha hlamdunga inphut ankanok hlon heia kae. Apa leh asapa khan sōk nuhmei inkhat kha rakhum an-inchunpui sap, hiva jâra hin kei rahming intheng kha anmanbōk jo.

⁸Hmun rakip a anmani’n sarahei sêrbat jâra antakasut pōn kha anpha a anjena hei. Ansêr kabat hei hnenga inphut antakasut juhei kha an-Pathen bek-inna an-ina kae.

⁹“Kha’num kamihei, nangnihei jâra Cedar thing kapōa a’nshâng, sasō thing kapōa akangar, Amorhei kha kasuk manhmangsō jo hei.

¹⁰Ke’n nangni Egypt a inphut kaheiṭhōisōt cheia, kum 40 nêrdiram a hlamkakei chei, khana nangni sik a Amorhei ram kha kapek jo chei.

¹¹Nansa ṭhahrep sânkathema, rether ṭhahrep mi intheng sik a, kakadei hei. Israel mihei, hivahi dikmak mo! RŌNGPU ke’n kahri jo kae.

¹²Tâk nazi hei kha ju nanman in hei, sânkathemhei kha ṭong hrimakna sik a ṭong nanpek hei.

¹³Tûnchu raleia kakahnur sik chei kae, hmuchi phur kahriktak karôn gâri rasa inhring kapōa inkōi sik jo chei.

¹⁴Tlân kahrat he’m inphesōt tor mak hei ning; akahrat pa’m aratha katlasam sik, remi he’m anhringkhō huk tor dekmak hei ning.

¹⁵Thekâp kathem he’m raleia ngir tor mak hei ning, inranga akatlân he’m inphesōt tor mak hei ning, shakor kachōnghei kha’m tlânsōt tor mak hei ning.

¹⁶Khava ning khan remi kahrângpen hei kha’m anre hmangchâk andahlona katlânsōt sik hei. RŌNGPU’n ahri jo.