Read Komrem MIJAHEI 29 Bible Online

MIJAHEI 29 - Komrem bible

MIJAHEI 29

¹Thla 7 tlukna kanikhō hma-inkei ning, kamukna sik a intûp ruh, ṭōn tlomak sik kae. Khava ning pengkun chen sik hei kae.

²RŌNGPU hneng romanvâm tōksōtna, ama tlaina marim kha tōk ruh: sehrat chere 1, kemōngche 1, khana kum 1 katluk kemōng chere 7, ankhenga nōrna kase rōk sik hei kae.

³Ahlamtak a hmuchi inthoina olive thai inhei jâmdi kha tōk ruh: sehratche 1 leh jâmdi kilograme 3, kemōngche 1 leh kilograme 2,

⁴kemōng chere 1 et leh kilograme 1 sik kae.

⁵Set-inthoina sik a keche inkhat um tōksa ruh, hing’hin mipui sik a mantheng sōtna rōi kha tlosōt ruh.

⁶Hihei seng hi thlatina kani hma-inkei ning rakip a romanvâm tōkna inthoina leh hmuchi inthoina, khana nitina romanvâm tōkna leh hmuchi inthoina leh vomhrui ju inthoina chunga khan tōksa ruh. Hiva thlai tōkna hi RŌNGPU tlaina marim kae.

⁷Thla 7 tlukna ni 7 tluk ning kamukna sik a intûp ruh; thlai sâk mak ruh, ṭōn tlomak ruh.

⁸RŌNGPU hneng ro-inthôi tōksōtna, amalung tlaina marim kha tōk ruh: sehrat chere 1, kemōngche 1, kum 1 katluk kemōng chere 7, ankhenga nōrna kase rōk sik hei kae.

⁹Ahlamtak a hmuchi inthoina, olive thai leh manhei jâmdi kha tōk ruh: sehratche kha leh jâmdi kilograme 3, kemōngche 1 leh kilograme 2,

¹⁰kemōng chere 1 et leh kilograme 1 et sik kae.

¹¹Mipui sik a suk manthengna rōia keche inkhat ale’ntōk leh ani tina ro-inthoina tōkna, hmuchi inthoina, vomhrui ju inthoina a’ntōk chunga khan keche inkhat um set-inthoina sik a tōksa ruh.

¹²Thla 7 tlukna kanikhō 15 ning kamukna sik a intûp ruh. Hiva rehōi hi RŌNGPU kajana ni 7 nit una ṭōn tlomak ruh.

¹³Hiva kanikhō hma-inkei ning RŌNGPU malung tlaina thlai inthoina nei ruh: sehrat chere 13, kemōngche 2, khana kum 1 katluk kemōng chere 14, ankhenga nōrna kase rōk sik hei kae.

¹⁴Ahlamtak a hmuchi inthoina, olive thai leh inhei jâmdi kha tōk ruh: sehratche 1 et leh jâmdi kilograme 3, kemōngche 1 et leh kilograme 2,

¹⁵khana kemōng chere 1 et leh kilograme 1, ahlam kasōk vomhrui ju inthoina leh.

¹⁶Set-inthoina keche inkhat um tōksa ruh. Hihei seng hi ani tina ro-inthoina tōksōtna khana hmuchi inthoina leh vomhrui ju tōknahei chunga khan tōksa ruh.

¹⁷Nihni tluk ning sehrat chere 12, kemōngche 2, khana kum 1 katluk kemōng chere 14, ankhenga nōrna kase rōk tōk hei ruh.

¹⁸Hihei seng leh kani hma-inkei ninga tōk hlam kasōk alak-hei leh tōk hei ruh.

²⁰Ni 3 tluk ning sehrat chere 11, kemōngche 2, kum 1 katluk kemōng chere 14, ankhenga nōrna kase rōk tōk hei ruh.

²¹Hihei seng leh kani hma-inkei ninga tōk hlam kasōk alak leh tōk hei ruh.

²³Ni 4 tluk ning sehratche 10, kemōngche 2, kum 1 katluk kemōng chere 14, ankhenga nōrna kase rōk tōk hei ruh.

²⁴Hiseng leh kani hma-inkei ninga tōk hlam kasōk alak leh tōk hei ruh.

²⁶Ni 5 tluk ning sehrat chere 9, kemōngche 2, kum 1 katluk kemōng chere 14, ankhenga nōrna kase rōk tōk hei ruh.

²⁷Hiseng leh kani hma-inkei ninga tōk hlam kasōk alak leh tōk hei ruh.

²⁹Ni 6 tluk ning sehrat chere 8, kemōngche 2, kum 1 katluk kemōng chere 14, ankhenga nōrna kase rōk tōk hei ruh.

³⁰Hiseng leh kanikhō hma-inkei ninga tōk hlam kasōk alak leh tōk hei ruh.

³²Ni 7 tluk ning sehrat chere 7, kemōngche 2, kum 1 katluk kemōng chere 14, ankhenga nōrna kase rōk tōk hei ruh.

³³Hiseng leh kani hma-inkei ninga tōk hlam kasōk alak leh tōk hei ruh.

³⁵Ni 8 tluk ning kamukna sik a intûp ruh, ṭōn tlomak ruh.

³⁶Thlai inthoina inkhat a ro-inthoina tōkna, amalung tlaina marim katui kha RŌNGPU hneng tōk ruh: sehrat chere 1, kemōngche 1, kum 1 katluk kemōng chere 7, ankhenga nōrna kase rōk sik hei kae.

³⁷Hiseng leh kani hma-inkei ninga tōk hlam kasōk alak leh tōk hei ruh.

³⁹Hihei seng hi nangni pha tepsa revei heia RŌNGPU hnenga ro-inthoina tōkna, hmuchi inthoina, ju inthoina, inlôikhôm inthoina tōkna chungchânga chôndânhei kha kae.

⁴⁰Khava jâra RŌNGPU’n ahnenga ahri rakip kha Moses’n Israel mipuihei hneng amanthei jo hei.