Read Komrem MIJAHEI 34 Bible Online

MIJAHEI 34 - Komrem bible

MIJAHEI 34

¹RŌNGPU’n Moses hneng

²Israel mipuihei sik mansena ṭong aleipek: “Nangni kapek chei Canaan ram kha nanhlut pha, nanramri hei kha hinga sik kae.

³Thlâng intong kha Zin ram thōia inphut Edom ramri katlung sik kae. Nisōtinga Tuipui Kathi thlâng intong a’nchaina inphut sik kae.

⁴Khava sōa thlâng ting inhea Akrabbim Rakanna asor sik, khanga Zin asuktan a thlâng intongpen Kadesh Barnea katlung sik. Khava sōa sak-tlaitlâk ahnget a Hazar Addar leh Azmon katlung sik,

⁵khana inphut Egypt ram a’nchaina phaichamting inhe sik a kha Mediterranean Tuipuia inchai sik a kae.

⁶“Tlaitlâk tinga ramri kha Mediterranean Tuipui kachang sik jo.

⁷“Sak intonga ramri sik kha Mediterranean a inphut Hor Tlâng katlung arichindung ajui sik.

⁸khana inphut Hamath Rakanna katlung kae. Khana inphut Zedad

⁹leh Zephron katlunga Hazar Enan a inchai sik.

¹⁰“Nisō intonga ramri sik kha Hazar Enan a inphut Shepham katlunga arichindung ajui sik.

¹¹Khava sōa thlâng tinga Ain nisōa Harbel a, Galilee nisō intonga dîr panga hmebunghei chunga,

¹²khava sōa thlâng tinga Jordan Tuidung ajui hrek a Tuipui Kathi katlunga kae. “Hihei hi nanram ramri 4 sik hei kha kae.”

¹³ Khava jâra Moses’n Israelhei hneng ati, “Hivahi vâng-enna nannei leh nanta’nhlâng sik ram kha kae, RŌNGPU’n phung 9 leh aṭim hei, pek sik a aleitep jo ram kha kae.

¹⁴Reuben leh Gad khana nisō intonga Manasseh phung ṭim he’n ankarōi kha anchen jo, innshung dungjuia a’nsem hei khachu,

¹⁵Jericho leh a’nhnget Jordan nisō intong pang kha kae.”

¹⁶RŌNGPU’n Moses hneng ahri,

¹⁷“Eleazar thempu leh Nun sapa Joshua’n mihei sik ram antasem sik kae.

¹⁸Phung rakip a hlamkakei inkha-khat um semna ṭōna ankabôm sik kadeisa hei ruh.”

¹⁹Rōngpu takadeisōt pasehei kha athōia hei hi kae: [Phung] — [Hlamkakei] Judah — Jephunneh sapa Caleb Simeon — Ammihud sapa Shelumiel Benjamin — Chislon sapa Elidad Dan — Jogli sapa Bukki Manasseh — Ephod sapa Hanniel Ephraim — Shiphtan sapa Kemuel Zebulun — Parnach sapa Elizaphan Issachar — Azzan sapa Paltiel Asher — Shelomi sapa Ahihud Naphtali — Ammihud sapa Pedahel

²⁹RŌNGPU’n Canaan ram shunga Israelhei sik karōi kasem sik aleinganse hei kha hiva pasehei hi kae.