Read Komrem MIJAHEI 36 Bible Online

MIJAHEI 36 - Komrem bible

MIJAHEI 36

¹Joseph sapa Manasseh, Manasseh tupa Machir, Machir sapa Gilead phung shunga innkō upahei kha Moses leh alak hlamkakeihei hneng leikase hei.

²Anmani’n anti, “Vâng-enna neia Israelhei kha ram sempekna sik a RŌNGPU’n ṭong aleipek chei. Ama’n kan-innkōpa Zelophehad sanuhei kha’m karōi pekna sik ṭong aleipek chei.

³Tâk-kha mandon roh, anmani’n phung hlop pase an-ompui he’nchu, ankarōi kha khava phunghei ta kachang sik jo, einihei sik apek ram kha hong katlôm sik jo.

⁴Pekmalena Kum a, ale’njōrsōt karōi rakip kha akapuhei hneng pek male sik pha khan, Zelophehad sanuhei karōi khachu anpuisehei phunga ahei tik a besapek kachang sik a kha eini phung sik a chu inhmang jo.”

⁵Khava jâra Moses’n Israelhei hneng RŌNGPUa inphut hiva ṭongpekna hi aleinei hei. Ama’n ati, “Manasseh phunghei tahri hi kadik,

⁶khava jâra RŌNGPU’n ati khachu Zelophehad sanu he’n pase antamadu hei an-ompui thei sik, tâk anphung shung rōk a akachang sik kae.

⁷Israelhei karōi kha ama phung et a aka-om nger sik kae.

⁸Israelhei phung shunga karōi kachen nuhmei rakip in aphung shunga pase inkhat a-ompui nger sik kae. Hing’hin Israel rakip in anpu anpahei karōi kha antahlō sik kae,

⁹khana karōi kha phung inkhat a inphut phung hlop a inpesōt theimak ning. Phung et khan ankarōi kha antahlō thang sik kae.”

¹⁰Khava jâra Zelophehad sanu Mahla, Tirza, Hogla, Milcah, khana Noah hei hin, RŌNGPU’n Moses ṭong apek kapōa anleitloa anpa anpuhei sapahei kha anleiompui jo hei.

¹²Anmani’n Joseph sapa Manasseh phung shunga anleiompui heia ankarōi kha anpa phunga ka-om thang jo.

¹³Jericho inphut a Jordan Tuidung re kena Moab phaichama RŌNGPU’n Moses a inphut Israelhei aleipek hei chôndânhei kha kae.