Read Komrem MIJAHEI 5 Bible Online

MIJAHEI 5 - Komrem bible

MIJAHEI 5

¹RŌNGPU’n Moses hneng ati,

²“Tu achang inum kaphâr karôn, taksa thi hnai kalōng khana kathi kalōng katôn a’nthengmak hei kha hnongsōt sik kae tia Israel mihei kha manthei hei roh.

³A’nthengmak mihei seng kha vângting tirsōt hei roh, kamihei kâra ka-omna rephōr kha anmannim makna sik a.”

⁴Israelhei khan ṭongpek anjuia rephōra inphut anhnongsōt pet jo hei.

⁵RŌNGPU’n Moses hneng

⁶Israel mihei sik a hiva mansenahei hi aleipek. Tu mo inkhat RŌNGPU ṭong arangei mak a mi inkhat chunga ṭōnse inkhat atlo pha,

⁷asetna kha aphôngsōt sik, asuksetna man apek male sik, khava chunga aṭhenapa hneng sem 100 a sem 20 a peksa sik kae.

⁸Tâk-kha mipa kha aleithi joa sêr pekmalena sik a a’nhnaipui mi a-om mak jo’nchu, thempu sik a, RŌNGPU hneng, pek sōt sik jo kae. Hiva pekmalena hi beklanga set suk manthengna kemōngche inkhat tōkna chunga hapsa sik kae.

⁹Khana Israel sahe’n ahlop mônga tōkna RŌNGPU hneng anta heitōk, thempu hneng anta heichoi kha ama chen sik kae.

¹⁰Thempu inkhat hnenga ahon’tōk rakip kha a’nda sik kae.

¹¹RŌNGPU’n Moses hneng,

¹²Israelhei hnenga hinga manthei hei roh ati. Pase inkhat in anuhmei kha pase hlop leh kaset heia abinga insu inbōk jo tia hlamrin môna anei meitheia kae. Tâk-kha apuise khan manchên er tor mak jo, ajârchu anuhmei khan athupthei, sâkhi om mak jâra, aset laitak le’nsur mak jo.

¹⁵Hei-hei achang inum apuise’n anuhmei kha thempu hneng aṭhōi sik kae. Tōk sik kasōk jâmdi kilograme inkhat, Olive thai sunthlōn mak ning, khana marim katui heikhat achunga inda mak ning, ajârchu akadik kha a’nlârsōtna sik a puise inkhat inhlamrin môna anei jâra tōksōtna kha kae.

¹⁶Thempu khan nuhmeinu kha hmating aṭhōia maichâm hma khan amanngir sik.

¹⁷Ama’n tui intheng ralei be shunga ṭhahrep asun a, RŌNGPU omna Pōn-inn ṭōnglaia ralei pi ṭhahrep alo sik, khavakha tui shunga amathlâk a amankha sik.

¹⁸Khava sōa ama’n nuhmeinu sam kha amazer pek a neitōk jâmdi kha akutpha 2 chunga ada sik. Thempu khan akut 2 vâng hâksêrna heikarôn sōt tui kakha ralei be kha achoi sik kae.

¹⁹Khava sōa thempu’n intepna ṭong ahria nuhmeinu kha amanhnōm sik: “Nang akajông mak che nachang inchu hâksêrna heikarôn sōt sik tui hin heite tônmak che ning.

²⁰Tâk alei kajông che nachang inchu,

²¹RŌNGPU’n namihei kâra narahming ahâksêr chang rasoh. Ama’n nanaikōk kha manchâr sona naphûm manpōrsōt rasoh.

²²Hiva tui hi naphûmpui shunga hlutsona hong manpōr rasoh khana nanaikōk hei hong inkin hei rasoh.” Nuhmeinu’n amasôna ati sik, “Kei kahnōm eng, khava kapōhrep a RŌNGPU’n tlo rasoh.”

²³Khava sōa thempu’n hâksêrna ṭong kha amazet manhlut a kōklei shunga tui kakhavâng asôp mantheng sik kae.

²⁴Nuhmeinu kha natna heikarôn sōt sik tui kakha kha aman in mak hma,

²⁵thempu’n nuhmeinu kut a neitōk jâmdi kha alosōt a, RŌNGPU hneng tōkna aneia maichâma apek manhlut sik kae.

²⁶Khava sōa kahlâng thlengna nei tōkna kut maja kasip aloa maichâma aro sik kae. Atorna, tui kha nuhmeinu aman in sik a kae.

²⁷Nuhmeinu kha akajông achang inchu, tui khan nat inhnaktak ahong rôn sōt sik, aphumpui hong kapōrsōt sik khana naikōk kha’m hong inkinrep sik jo. Amihei kâra arahming kha hâksêr akachang sik kae.

²⁸Tâk-kha ṭhenakase aleichang inchu, ama heite timak ning, sa amajōr thei sik.

²⁹Hihei hi pase inkhat anuhmei in aleijôngde joa, apuise’n enhlana leh rinmona aneina chunga dânhei kae. Nuhmeinu kha maichâm hma aman ngira, thempu’n hiva bekrōi hi atlosōt sik kae.

³¹Puise kha themmô chenmak ning tak, nuhmeinu khachu alei ṭhe’nchu tlona kara athōk sik kae.