Read Komrem MIJAHEI 6 Bible Online

MIJAHEI 6 - Komrem bible

MIJAHEI 6

¹RŌNGPU’n Moses hneng

²Israelhei mansena sik ṭong aleipek. Pase achanga nuhmei achanga nazir inkhat changna sik a abing mônga a’ntep a RŌNGPU hneng a’ntōksōt mi khan,

³ju leh juthlum a-in mak sik kae. Ama’n vomhrui theia ansyem ju leh vomhrui thei leh akachâr asâk mak sik kae.

⁴Nazir achang shung senga, vomhrui jua ansyem, theihmu leh ahok katlunga sâk theimak ning.

⁵Nazir changna intepna shung senga, ansam vothei mak hei ning. RŌNGPU hneng a’npek sōtna khan pui katluk akhit hei kae, ansam antamansei sik kae.

⁶Ansam kha Pathena an-intōk sōtna mêrchîkna kae, khava jâra kathi kalōng kha anu, apa, asōpui achanga ahnenga sea a’nsuk inbōk mak sik kae.

⁸Ama nazir achang shung senga RŌNGPU hneng manthengsōt jo kae.

⁹Manthengsōt nazir inkhat kha manhret manloa akathi inkhat hnenga ava-om joa a’nsuk mannim jo’nchu, ama’n ni 7 ahngâk sik, khava sō leh asam avo sik, khanga a’ntheng akachang nôk sik kae.

¹⁰Ni ret tluk ning thempu hneng pherva 2 achangmak leh vaṭhu 2 RŌNGPU omna Pōn-inn hlutna hmun a khan ahei choi sik kae.

¹¹Thempu’n inkhat kha setna inthoina, ahlop inkhat khan romanvâm inthoina sik, kathi kalōng leh ale’ntôn jâra beklanga suk manthengna atlosōt sik kae. Khava ning bât khan asam kha amanthengsōt sik kae

¹²khana anpha kha nazir changna avea RŌNGPU hneng tōk sik kae. Aleikasesa pha kha inteimak jo ning, ajârchu manthengsōt asam kha le’nim joa kae. Pekmalena inthoina inkhat a ama’n kum khat katluk jo kemōngte inkhat ahei choi sik kae.

¹³Nazir inkhat in a’ntepna kha pui atluksō pha, hiva beklanga rōi hi atlosōt sik kae. Ama Pōn-inn hlutna kot a akase sik kae,

¹⁴nōrna kase ran 3 inthoina RŌNGPU hneng atōk sik: ro-inthoina sik kum khat katluk jo kemōngche inkhat, set-inthoina sik akemōng rala inkhat, inlôikhôm inthoina kemōngche inkhat.

¹⁵Che philo buhlom hrai inkhat khachu olive thai inno buhlom insâ, olive thai inno buhlom kasin, khana hiva chunga hmuchi leh ju inthoina arangei seng nanta tōksa sik kae.

¹⁶Thempu’n hihei seng hi RŌNGPU hneng atōk sik khana set-inthoina leh ro-inthoina atōk sik kae.

¹⁷Kemōngche inkhat inlôikhôm inthoina khana buhlom hrai inkhat leh atōk sik kae; hmuchi leh ju inthoina’m atōksa sik kae.

¹⁸Pōn-inn hlutna kot a khan nazir khan asam avosōt a inlôikhômna inthoina hmei insûk chunga ada sik kae.

¹⁹Khava sōa, kemōngche dârhme kha ansōng pha thempu’n aloa nazir kut hei chunga hrai shunga buhlom insâ inkhat leh buhlom kasin inkhat leh inṭhōia ada sik kae.

²⁰Abâna, thempu’n khahei kha ahlopdet kutchoia RŌNGPU hneng apek sik kae; dân dungjuia a-ôp leh arakō thempu tâ achangna chunga khahei kha thempu sik a’ntheng neitōk a’nhapsa hei kha kae. Khava sōa nazir kha ju a-inthei sik jo.

²¹Hihei hi Nazirhei sik a dân kae; nazir inkhat in a’ntepna sik a arangei kakhea tōk sik a a’ntepsa jo’nchu, a’ntepna kha pui amathluk nger sik kae.

²²RŌNGPU’n Moses kha

²³Aaron leh asapa he’n hiva ṭongrahme hi Israel mipuihei vângpekna pha antahmang sik a ṭong aleipek:

²⁴RŌNGPU’n mahâmṭhat pek chei rasoh, hlam akei chei rasoh;

²⁵RŌNGPU’n marit chei rasoh, lungset chei rasoh;

²⁶RŌNGPU’n lumlo chei rasoh, lungmōng pek chei rasoh.

²⁷Khana RŌNGPU’n ati, “Anmani’n karahming kha Israel mipuihei vângpekna anpan inchu, ke’n vâng kapek sik hei.”