Read Komrem MIJAHEI 7 Bible Online

MIJAHEI 7 - Komrem bible

MIJAHEI 7

¹Moses’n RŌNGPU omna Pōn-inn amatungsōt ning khan Pōn-inn leh hmangchâk rakip khana maichâm leh ahmangchâk rakip thai akanoa mantheng sōtna anei hei.

²Khava sōa phung upa, Israel phung hlamkakeia a’nṭang hei leh rahming teina anganse hei khan RŌNGPU hnenga inthoina anheichoi hei:

³sehrat gâri 6 leh sehratche 12, hlamkakei 2 in sehrat gâri inkhat et, hlamkakei inkhat in sehratche inkhat et kae. Khahei kha anpek sōtsō pha,

⁴RŌNGPU’n Moses hneng ati,

⁵“Kutchoihei hi Pōn-inn ṭōn heia hmang sik a rahlâng hei roh; Levihei kha anṭōn tlo sik dungjuia pek hei roh.”

⁶Khava jâra sehrat gâri leh sehratchehei kha Levihei apek jo hei.

⁷Gershon hei kha sehrat gâri 2 leh sehratche 4,

⁸Merari hei kha sehrat gâri 4 leh sehratche karet apek jo hei. Anṭōn rakip hei kha Aaron sapa Ithamar rōi vorna hnōia antatlo sik kae.

⁹Tâk-kha Moses’n Kohathhei chu sehrat gâri leh sehratche pek mak hei, ajârchu neinâk intheng antatinta hei kha andâra antakadom sik kae.

¹⁰Hlamkakei he’num maichâm sukmantheng ning neitōk anhongrôn hei. Kutchoihei kha maichâma tōk sik a an-intluk jo pha,

¹¹RŌNGPU’n Moses hneng ati, “Kani 12 shunga ani katai hlamkakei inkhat et in maichâm manthengna sik akutchoi kha atōkna sik a manthei hei roh.”

¹²Anmani’n hiva ṭongpek dungjuia inthoinahei kha antōk jo: [Kanikhō] — [Phung] — [Hlamkakei] 1na — Judah — Amminadab sapa Nahshon 2na — Issachar — Zuar sapa Nethanel 3na — Zebulun — Helon sapa Eliab 4na — Reuben — Shedeur sapa Elizur 5na — Simeon — Zurishaddai sapa Shelumiel 6na — Gad — Deuel sapa Eliasaph 7na — Ephraim — Ammihud sapa Elishama 8na — Manasseh — Pedahzur sapa Gamaliel 9na — Benjamin — Gideoni sapa Abidan 10na — Dan — Ammishaddai sapa Ahiezer 11na — Asher — Okhran sapa Pagiel 12na — Naphtali — Enan sapa Ahira Antōkna hongrôn hei kha in-ang et a kae: sena dân a dangka thlengkam kilograme 1.5 inkhat, khana gram 800 dangka thlengbur inkhat, an-inhnibât shunga jâmdi leh thai inhei kasip hmuchi inthoina sik a, khana sana thleng gram110 bero kasiptak inkhat; sehrat chere inkhat, kemōngche inkhat, khana kum khat katluk jo kemōng chere inkhat, hihei seng hi ro-inthoina sik; kemōngche inkhat in set-inthoi(...)

⁸⁴Hlamkakei 12 he’n maichâm manthengna sik a inthoina anta hongrôn kha akhenga: — dangka thlengkam 12 leh dangka thlengkông 12 akahrik akhenga 27.6 kilograme — bero kasip, sana thleng 12 akahrik akhenga 1.32 kilograme, — sehratche 12, kemōngche 12, kum khat katluk jo kemōngche 12, hmuchi neitōk leh inṭhōia akhenga ro-inthoina sik hei kae; — keche 12, set-inthoina sik kae; — sehratche 24, kemōngche 60, keche 60, kum khat katluk jo kemōngche 60, hei hi inlôikhôm inthoina sik kae.

⁸⁹Moses kha RŌNGPU leh inbetō sik a Pōn-inn shunga ahlut pha ṭongtepna bôm amakhuna chunga mathla kanei ranhring 2 hei kâra inphut RŌNGPU’n ahnenga ṭong ajōng hri kha atheia kae.