Read Komrem MICAH 3 Bible Online

MICAH 3 - Komrem bible

MICAH 3

¹Israel hlamkakei nangni, rangei ruh! Nangni akadik chungchânga khôk nantasak sik kasōk,

²tâk nangni’n akaṭha kha nanhōt a akaṭhamak kha nanmadu. Kamihei anhring pum a anvun nanmahlip hei khana anrua inphut anravōi nankhoksōt a kae.

³Kamihei ravōi nansâksō. Anvun hei nanmanhlip a, anru anchâng nanmaher thlek hei, khângbe shunga sōng sik kapōa nantuk rachen hei.

⁴RŌNGPU hneng nan-ôngna sik pha kha kahong jo, tâk ama’n masôn mak tin chei. Nanderna rangei mak ning, ajârchu ṭōnse nantloa kae.

⁵Sêr kapek hei hneng mōngna ka-om sik antia inhâksêr hei, akapek mak hei hnenga re kahong sik tia maṭhitna annei heia kamipuihei kha sânkathem he’n anhōn heia kae. Khava kapō sânkathemhei hneng RŌNGPU’n ati,

⁶“Sânkathemhei, nankani katlang vet jo; nanchunga kani katla sik jo. Ajârchu kamihei hlamleting nanṭhōi jo hei, sânsōtna hmangtalâr hmutor mak jo tin.”

⁷Hnungṭong kasânsōt hei kha hnunga hringkhō khan inzakna alapek sik hei. Ankhenga suk manhnem et sik hei kae, ajârchu Pathen in anderna masôn mak jo heia kae.

⁸Tâk-kha kei sik a chu, RŌNGPU’n arathla leh aratha neina kha amansip enga Israelhei setnahei manthei torna sik a akadik leh rathahrat kha apek eng.

⁹Kaṭong hri rangei ruh, Israel vaikarôn nangni, akadik kahōt hei, akadik kha akadik mak inchang hei.

¹⁰Nangni’n Pathen khōpui, Jerusalem kha akadik mak leh mithatna innhmun chunga nansak a kae.

¹¹Khōpui vaikarôn he’n sêrmarûk hmuna sik a vai anrôn, thempu he’n sêr hlōna Dân kha anmalesōt, sânkathem he’n sêr hmun a sik a ansânsōt hei, ankhengpet a Pathen in a-ompui ung anti. “Keini chunga ṭhatmak heisōk mak ning, RŌNGPU’n a-ompui ung,” antia kae.

¹²Khava jâra, nangnihei jâra, Zion hi hlei kapōa khōi sik kae. Jerusalem kha inram kapōa akatlek akakōi rōk in inbuk sik khana Bek-inn tlâng kha ratu ramhâng hongkachang sik jo.