Read Komrem NAHUM 2 Bible Online

NAHUM 2 - Komrem bible

NAHUM 2

¹Nineveh, nachunga re kahong jo! Nang kasuk khōi sik rathahrat kha kahong jo. Inhrungna sik intluk roh! Hlamlen heia inhrungna syem roh! Re tlona sik a intluk roh! (

²RŌNGPU’n Israelhei lûrna, akadōi he’n ansukkhōi mak hma aleichen kha, apek male sik kae.)

³Inrepui remi he’n pho kasen anchoi, khana pōnsen vânga inret hei. Re tukna sik a intluk hei! Anshakor gârihei hmeimale kapōa kavâr! Anshakorhei inthok lele hei.

⁴Shakor gâri he’n hlamlen heia vaiphin anmansōk hêr, khōpui tetlânga katlân lele hei. hmeivâr kapōa inphe liplep hei khō inphe kapōa hmei anjōng kâpsōt ri.

⁵Vaikarônhei kha anbek hei; hmating anse pha inpai heia kae. Re katuk hei khan bangting katlânsuk hei khana asuk khōina sik thingtlōn makhei kha syemna sik a anpho anrabek mankop heia kae.

⁶Tuidung hnenga kekot-hei anvōkkhōia anmahlang jo; reng-innpui shunga ṭit leh inpirna kasip jo.

⁷Rengnu ansur jo; asōk-hei kha vaṭhu kapōa ṭajai ansuia inrengtak a an-ôp ankaben jo.

⁸Tui tingna ngoi akōi pha tuikayâm kapōa Nineveh a inphut mihei katlân jo hei! “Inhnga ruh! Inhnga ruh!” tia rasa ka-ông hei, tâk-kha tûte inlemak hei.

⁹Dangkahei chom ruh. Sanahei chom ruh! Khōpui kha karōi kasip tlit a kae!

¹⁰Nineveh kha insukkhōi jo, karam jo, akarōk a ka-om jo! Ṭitna khan malung amanjor jo; Markhup innok jo, ratha hratna om mak jo; hmaisōhei hong kadângper jo hei.

¹¹Shabakkaihei khur ka-ang jo, shabakkai terehei inveina, shabakkai pui leh ache hei sele honglena a’nte hei inhukna khurpui kapō jo kha tûnchu khōpui kha khon mo aka-om jo?

¹²Shabakkai in asâk sik sha kha athat, apui leh ate sik a akeihler pek hei; akhur kha hme ahar-ahak in amansip a kae.

¹³“Kei nakadōi eng kae!” tia Akahratpen RŌNGPU’n ati. “Nashakor gârihei karo sik. Rehmun a naremihei anthat sik hei, khana mihlop-hei hnenga natachom rakip kalosōt sik. Napalai hei ngekna ṭong intheimak jo ning.”