Read Komrem ZECHARIAH 4 Bible Online

ZECHARIAH 4 - Komrem bible

ZECHARIAH 4

¹Kahnenga ṭongkahri ngeva kha kahong nôk a kei kha akaje mi inkhat kapōtak a amathō eng.

²Ama’n ader eng, “Nang in heimo nahmu?” Ke’n kamasôn, “Sana vânga ansyem thaihmei matungna inkhat, alêra thaitui hapna kōklei inkhat ka-om. Thaihmei kunga khan thaihmei 7 ka-om, thaihmei rakip a hmeihrui sari et indo.

³Thaihmei kung sak leh thlanga olive kung 2 ka-om hei.”

⁴Khana ke’n ngeva hneng kader, “Oja, hihei hin heitina mo?”

⁵Ama’n ader eng, “Manhret mak che mo?” Ke’n kamasôn, “Oja manhret mak eng.”

¹⁰ Ngeva khan kahnenga ati, “Thaihmei 7 hei kha raleichung pumpui kahmu tor RŌNGPU hmit 7 hei kae.”[1]

¹¹Khava sōa ke’n ahnenga kader, “Thaihmei kung sak leh thlanga olive kung 2 hei hin heitina mo?

¹²Khana olive thai jōng tlâkna sana utông 2 hnenga ka-om olive thing bâk 2 hei son hei manhretna mo?”

¹³Ama’n ader eng, “Nang manhret mak che mo?” Ke’n kamasôn, “Oja, kei manhret mak eng.”

¹⁴Khava sōa ama’n ati, “Ralei pumpui RŌNGPU, ama inzen sik a thai kanosa kadeisōt mi 2 hei kha hihei hi kae.” Zerubbabel hneng Pathen Ṭongtep RŌNGPUa inphut Zerubbabel hneng pek sik ṭong hi ngeva khan amanthei eng: “Retorna nanei sik, remihei rathahrat jâra changmak, nang ratha neina jâra changmak, tâk kei rathla vânga kae. Tlânghei kapōa khârna kha nahmai kunga inhmang sik jo hei. Bek-inn avea nasak nôk sik, nang in nasak a atorna hlung nadatak leh mipui he’n, ‘Kaṭha-e, kaṭha-e’ tia aka-ông sik hei kae.” RŌNGPUa inphut ṭonghlop inkhat kajōng nôk. Ama’n ati, “Zerubbabel in Bek-inn hmun asyem jo, ama’n asaksō sik jo. Hivahi asōk jo pha, kami he’n nang anhnenga akatir kha kei eng kae tia anmanhret sik jo. Ṭōn kha hma asethei mak jâra anmani kha malung hōimakna annei jo. Tâk-kha Zerubbabel in Bek-inn asak manjôn kha anhmu sik, khana anmani inpâk sik hei.”