Read Komrem ZECHARIAH 5 Bible Online

ZECHARIAH 5 - Komrem bible

ZECHARIAH 5

¹Avea ka-en nôk, khava pha thli chunga lekha inze inkhat ajōng kha kahmu.

²Kahmuna kha ngeva khan ader eng. Ke’n kamasôn, “Thli chunga lekha inze inkhat ajōng kahmu; khavakha metre 9 kasei khana metre 4 leh aher inpek a kae.”

³Khana ngeva khan kei hneng ahri, “Ram pumpuia ajōng katlung sik hâksêrna sik kha hiva lekha shunga inzet. Hiva lang khat ting hin inru rakip, ram shunga inphut losōt sik hei tia inzet; alang khat tinga khan ṭongtepna thōia malei kasei rakip, losōt sik hei tia inzet.

⁴Chunghnung RŌNGPU’n hiva hâksêrna hi kahei tir sik jo ati, khavakha inruhei inn rakip a leh intepna thōia maleisei kahri rakip hei inna kahlut sik ati. Hivahin an-innshunga ka-om sik khana amanram cher heia adahlon sik hei.”

⁵Ngeva kha avea hong inlâra ahri, “Enroh! Heimo inkhat kahong!”

⁶Ke’n kader, “Khavakha heimo kae.” Ama’n amasôn eng, “Hraithuk kae, hivahi ram pumpui setna tina kae.”

⁷Hraithuk kha ngenvâng antasyemsōt asing hupna ka-om. Ka-enlai khan asing kha inhlang, ashunga khan nuhmei inkhat in-onga kae!

⁸Ngeva khan ati, “Nuhmei hi akaṭhamak omchen malârna kae.” Khava sōa ama’n nuhmei kha hraithuk shunga anam manhlut a asing hupna kha amakhu khum jo.

⁹Ke’n chungting ka-ena vapui mathla akahrattak kapō vânga nuhmei 2 kahnengting ahei kajōng hei kahmu hei. Anmani’n hraithuk kha anloa anjōngpui jo.

¹⁰Ke’n ngeva kha kader, “Khonting mo antachoi jo?”

¹¹Ama’n amasôn eng, “Babylona, khana khan khava sik a bek-inn ansak sik. Bek-inn kha ansaksō leh hraithuk kha khana khan kamuk sik a anda sik jo.”