Read Komrem MATTHEW 1 Bible Online

MATTHEW 1 - Komrem bible

MATTHEW 1

¹Abraham sōn David, David sōn Jesu Christa, khang hrui rahminghei kha hi kae.

²Abraham a inphut reng David, katlunga sōn leh pârhei kha hihei hi kae: Abraham, Isaac, Jacob, Judah leh asōpuihei kae; abâna Parez leh Zerah (annu Tamar), Hezron Ram, Amminadab, Nahshon, Salmon, Boaz (anu chu Rahab), Obed (anu Ruth), Jesse, khanna David kae.

⁶David a inphut Israel he’n Babylona rehringa anṭhōina hei katlung pu leh pahei kha hihei hi kae: David, Solomon, (anu kha Uriah nuhmei leikae.) Rehoboam, Abijah, Asa, Jehoshaphat, Jehoram, Uzziah, Jotham, Ahaz, Hezekiah, Manasseh, Amon, Josiah, Jehoiachin leh asōpuihei kae.

¹²Babylon ram a rehringa anṭhōisōt sōna heia inphut Jesu intet katlunga sōn leh pârhei kha hihei hi kae: Jehoiachin, Shealtiel, Zerubbabel, Abiud, Eliakim, Azor, Zadok, Achim, Eliud, Eleazar, Matthan, Jacob, leh Messiah intipa Jesu anu Mary ka-ompuipa Joshep kha kae.

¹⁷Khang’khan Abraham a inphut David katlung khang 14, David a inphut Babylon ram a rehringa anṭhōisōtna hei katlung khang 14, Babylon ram a rehringa anṭhōisōtna heia inphut Messiah inte katlung khang 14 ka-om hei.

¹⁸Jesu Christa intet kha hing’hin leikachang. Anu Mary kha Joseph leh sanghram kachang sik a inhnōmtōna leika-om; tâk an-om inchun mak hma Rathla Inthenga inphut nai anei sik jo ti inhmu jo.

¹⁹Apuise Joseph kha malung innem mikaṭha inkhat achang jâra, inzakna pek sik madu mak a marûk a kadai hngera masō sik a amandon jo.

²⁰Khanga amandonlai Rōngpu ngeva kha arahmanga ahnenga hong inlâra, “David sōn Joseph, nalômnu Mary na-inna na’nṭhōi sik ṭimak roh. Ajârchu amanu naivon hi Rathla Inthenga inphut kae.

²¹Amanu’n sapa inkhat anei sik, arahming Jesu napho sik kae, ajârchu amihei ansetna inphut ama’n ahuksōt sik hei,” ati.

²²Rōngpu’n sânkathemhei aleimanhri hei kha hui atlungna sik hihei rakip hi tûn ahong kasōk jo kae,

²³“Nuhngâk Intheng inkhat in nai avona sapa inkhat anei sik, khana anmani’n arahming Emmanuel antati sik kae!” (“Pathen in a-ompui me” tina kae.)

²⁴Khava jâra Joseph kha ahongthōisōt pha, Rōngpu ngeva mantheina kapōa ama’n Mary kha a-ompui jo;

²⁵Tâk amanu’n asapa kha aneimak hma seng ama’n rakhum le’nchun puimak. Khana Joseph in arahming Jesu tia aphō jo.