Read Komrem MARK 16 Bible Online

MARK 16 - Komrem bible

MARK 16

¹Châmhngat kani athlengsōa, Mary Magdalene leh James nu Mary khana Salome he’n Jesu thlâna Jesu kalōng kanona sik a marim katui anlei rachôk a kae.

²Pathen kani ning jîngkâr hmatak a kani ahong sōk pha anmani thlânting leikase hei.

³Anmani hlamdunga ansena khat leh khat inbe heia, “Thlânkot a hlung kha tu’n mo amakhōnsōt pek sik me?” anti. (Khavakha hlung kalentak inkhat kae.) Khava sōa anmani’n an-en pha hlung kha ale’nhlik inlet anhmu jo.

⁵Khan chu thlân shunga kahlut heia, pōn kabang kachek-hlak kasi rether inkhat changting panga a’n-ong anleihmu, inhmakban jo hei.

⁶“Ama’n anhnenga ati, “Inhmak mak ruh; nangni’n Nazareth Jesu, thingrakea antamakhei hlon kha nantajong ke’n kamanhret. Ama kathōi jo, hin om mak jo! Enruh, anmanjena kha hi kae.

⁷Tûntak se una hiva ṭong hi asonlehei hneng leh Peter hneng hinga: ‘Ama Galileeting nanhma leikase jo; nanhnenga aleihrisa kapōa sova hmun a nangni’n nanvahmu sik,’ vati ruh.”

⁸Anmani kasōk heia thlâna inphut katlân jo hei; ṭitna leh ratha innokna kasip jo hei. Anmani kaṭi jo heia tûte hneng heite hrimak jo heia kae.

⁹Jesu thina inphut athōisōt kahnunga, Pathen kani ning hmatak a Mary Magdalene, ashunga inphut ṭai 7 ahnong sōt peknu hneng hmakakei pena inlâra kae.

¹⁰Amanu kasea ale’nṭhōipui aloihei hneng aleihri pek hei. Anmani ṭajai ansuia leikaṭap hei;

¹¹khana nuhmeinu khan Jesu kathōi ahmua ahri pek hei kha anthei pha anmani’n leitaksen mak hei.

¹²Hivasōa ankâra 2 hei hneng ankhō kajōna hlam a anselai ahlopdet a le’nlâra kae.

¹³Anmani inle heia alak-hei hneng anvamanthei hei, tâk anmani’n leitaksen mak hei.

¹⁴Hnungpena, sonle11 hei bu ansâklai le’nlâra kae. Anmani aleirasei hei, ajârchu anmani taksenna neimak hei khana anmalung kasak hêr, ama akahringsōt kahmuhei ṭong kha taksen tor mak hei.

¹⁵Jesu’n anhnenga ahri, “Vânhnōi raleia se ruh khana mihring rakip hneng ṭong kaṭha hi vahri ruh.

¹⁶Tu achang inum akataksena tui kahlut mi kha hukmanhring kachang sik; tu achang inum akataksenmak mi kha maset achen sik.

¹⁷Khana akataksenhei kha hiva ṭōn-inlak tlona ratha a’npe sik hei kae: karahminga ṭaihei anhnongsōt sik; ṭonghlop a kaṭong sik hei;

¹⁸marihei ansura khana tûr an-in inum heite timak hei ning; mi kanahei chunga ankut anda sik khana khahei kha kadam sik hei.”

¹⁹Rōngpu Jesu’n anmani hneng ṭong ahrisō pha, marvânting kake jo khana Pathen kut changting in-ong jo.

²⁰Sonlehei kha kase heia hmun rakip a ṭong kaṭha anhrile jo, khana Rōngpu’n ṭōn atlopui heia ṭōn-inlak antlosōtna vâng khan anṭong hri kha kadik tia amalârpek hei. AHLOP AMARŌ INCHAINA Nuhmeihei kha Peter leh aṭhōnhei hneng kase heia anhnenga ale’nhri seng kha akabei hlam a anvamanthei hei. Hivasōa, kumleikōa hringna a’ntheng leh akahring ṭhak hukmanhringna ṭongsem kha Jesu khet in asonle heia inphut, nisōa inphut tlaitlâk katlung aleitirsōt jo.