Read Komrem LUKE 3 Bible Online

LUKE 3 - Komrem bible

LUKE 3

¹Tiberius Rengkalen vairônna kum 15 atluk pha, Judea ramṭhen a vaikarôn kha Pontius Pilate leikachang, Herod in Galilee ramtlâk vai aleirôn, khana anaipa Philip in Iturea ramṭhen leh Trachonitis vai aleirôn; Lysanias in Abilene vai aleirôn,

²khana Anna leh Caiaphas Thempu Kalen leikachang hei. Hiva pha hin nêrdiram thōia Zechariah sapa John hneng Pathen ṭong kha jōng katlung.

³Khava jâra Jordan ram pumpui kimvea John kalônlea, “Nanmalung thleng una tui hlutna tlo ruh, Pathen in nansetnahei arangei mandam sik chei,” tia ahrilea kae.

⁴Ti chu Isaiah sânkathem in hinga aleihri mazetsōt kapō kha kae: “Nêrdiram a mi inkhat ka-ông: ‘Rōngpu hlamlen kha mantluk ruh, alônna sik hlam mantlun ruh!

⁵Ankōk rakip mansip sik, hme leh tlâng rakip manre ruh. Hlam in-ôn rakip mantlun ruh! Hlam kaphok hei kha manne hei ruh.

⁶Jât rakip in Pathen hukmanhringna antahmu sik kae!’”

⁷John hneng tuimanhlut kachang sik a mi katamtak heikasōk jo hei. Ama’n anhnenga ati, “Eh marihei, Pathen hnuk natna ajōng katlung sik a inphut nantlânsōtna sik tu’n mo amanthei chei?

⁸Nanmalung thlengna kha hmutheina sik hihei hi tlo ruh. Khana nangni’n nankâra, Abraham kha kanpu sōn kae, ti nôk mak jo ruh. Ke’n kahri pek chei kae, Pathen in Abraham sōn leh pârhei kha hiva hlung heia inphut hin asyemsōt tor a kae!

⁹Thingkunghei akung beret a inphut phûr mathlûkna sik hreicha mantluksō jo kae; thingkung kara kaṭhamak rakip kha phûr mathlûk a hmeia ti sik kae.”

¹⁰Mihei khan ahnenga andera, “Khan chu keini’n heimo kantatlo sik?” anti.

¹¹Ama’n amasôn hei, “Tu enum zakkō 2 kanei mi khan akaneimak mi kha inkhat pek rasoh, khana bu sâk sik kanei mi khan akaneimak mi kha sâkpui rasoh.”

¹²Ramsêr kaṭheihei ṭhahrep tui hlutna sik ahnenga kahong heia ander, “Oja, keini’n heimo kantatlo sik?”

¹³Ama’n anhnenga amanthei hei, “Nanta’nṭhei sik jahrep kakhea ṭheimak ruh.”

¹⁴Khana remihei ṭhahrep inum ander, “Keini’n heimo kantatlo sik?” Ama’n anhnenga ati, “Rumhrat a tûte sêr lomak ruh a-emak leh dik loa tûte maher mak ruh. Hlō nantahmu hrep kha tlaipui ruh.”

¹⁵Mihei inhōrna kha hong kalen chet a, ama Messiah jo tâk mo antia, John chungchânga anmandon-hla joa kae.

¹⁶Khava jâra anhnenga John in ahri, “Ke’n tui vâng tuimanhlut katlo chei, tâk kei kanek a akalen jôk kha kakahnunga kajōng. Kei ama kekōk hrui kasōt sik bek um karahōi sōk mak. Ama’n nangni Rathla Intheng leh hmei vâng manhlutna atlo sik cheia kae.

¹⁷Sâng kha sapanga khumna sik a, sâng rakip vōk maṭhia ajâpna sik yângjâp leh inṭhōia kajōng; tâk akathi theimak hmeikhur shunga arasihei kha aro sik heia kae.”

¹⁸John in mihei kha anhlam hro anthlengna sik ṭong kaṭha kha ahlam katamtak vânga aleihrile pek hei.

¹⁹Tâk-kha John in Herod, vaikarôn kha hrimanṭhat mak a kae, ajârchu anaipa nuhmei Herodias kha aleiompui jo khana ṭōn kaṭhamak katamtak aleitloa kae.

²⁰Khana Herod in John kha asura kurkhum a akhum jâra khan ṭōn akasechet atlosa jo.

²¹Mi rakip tui anhlutsō pha, Jesu’m tui kahlut jo. Ama’n derna aneilai marvân kot jōng inhlanga,

²²khana Rathla Intheng kha taksa kaneia vaṭhu kapōa jōng kaṭuma achunga kachu jo. Khana marvâna inphut rasa inkhat in, “Nang kasapa marittak che kae. Nachunga kamalung katlai,” ajōng tia kae.

²³Jesu’n aṭōn aphut pha hin kum 30 kapō jo kae. Mihringhei mandonna dungjuia ama puhrui pahrui abân bâna: ama hi Joseph sapa, Heli sapa,

²⁴Matthat sapa, Levi sapa, Melchi sapa, Jannai sapa, Joseph sapa,

²⁵Mattathiah sapa, Amos sapa, Nahum sapa, Esli sapa, Naggai sapa,

²⁶Maath sapa, Mattathiah sapa, Semein sapa, Josekh sapa, Joda sapa,

²⁷Joanan sapa, Rhesa sapa, Jerubbabel sapa, Shealtiel sapa, Neri sapa,

²⁸Melchi sapa, Addi sapa, Cosam sapa, Elmadam sapa, Er sapa,

²⁹Joshua sapa, Eliezer sapa, Jorim sapa, Matthat sapa, Levi sapa,

³⁰Simeon sapa, Judah sapa, Joseph sapa, Jonam sapa, Eliakim sapa,

³¹Melea sapa, Menna sapa, Mattatha sapa, Nathan sapa, David sapa,

³²Jesse sapa, Obed sapa, Boaz sapa, Salmon sapa, Nahshon sapa,

³³Amminadab sapa, Admin sapa, Arni sapa, Hezron sapa, Perez sapa, Judah sapa,

³⁴Jacob sapa, Isaac sapa, Abraham sapa, Terah sapa, Nahor sapa,

³⁵Serug sapa, Reu sapa, Peleg sapa, Eber sapa, Shelah sapa,

³⁶Cainan sapa, Arphaxad sapa, Shem sapa, Noah sapa, Lamech sapa,

³⁷Methuselah sapa, Enoch sapa, Jared sapa, Mahalaleel sapa, Kenan sapa,

³⁸Enosh sapa, Seth sapa, Adam sapa, Pathen sapa kae.