Read Komrem DÂNRABU INHNINA 1 Bible Online

DÂNRABU INHNINA 1 - Komrem bible

DÂNRABU INHNINA 1

¹Hiva lekha shunga hin Moses’n Jordan Tuidung nisōtinga ramthip kâra Israelhei hneng aleihri ṭonghei kha ka-om. Anmani kha, lang khat ting Paran khōpui khana lang khat ting Tophel, Laban, Hazeroth leh Dizahab hei kâra, Suph hnenga Jordan Phaichama leika-om hei. (

²Sinai Tlânga inphut Kadesh Barnea katlung hi Edom tlânga kehlama ni 11 kahlut a kae.)

³Egypt andahlon kahnunga kum 40 tlukna a thla 11 tlukna kani hma-inkei ning Moses’n Israel mihei hneng ahri pek sik a RŌNGPU’n ṭong apek rakip kha amanthei jo hei.

⁴Khavakha RŌNGPU’n Heshbon khōpui vaikarôn, Amorhei rengpa Sihon leh Ashtaroth leh Edrei vaikarôn, Bashan rengpa Og atorsō kahnunga kae.

⁵Moses’n Pathen dân leh chôndân ahri manchênna hi Moab ram a Jordan nisōting mipuihei anleiom laia kae. Ama’n ati,

⁶“Tlâng Sinaia nilei omlai, RŌNGPU ni-Pathen in nihnenga hing’hin aleihri, ‘Hiva tlânga hin nangni ka-omsôt jo chei.

⁷Nanrephōr ṭhet una se jo ruh. Amorhei tlângrama leh akimve ramtlâk a — Jordan Phaicham, tlângram leh phairam, thlang intonga ramtlâk leh Mediterranean tuipang katlung Canaanhei ram leh Lebanon tlâng rekhat a Euphrates tuidung kalen katlunga se ruh.

⁸RŌNGPU ke’n nanpu nanpa Abraham, Isaac leh Jacob khana ansōnhei hneng pek sik a kalei intepna kha hiva ram pumpui hi kae. Se ruh khana vahlō jo ruh.’ ”

⁹Moses’n mipui hnenga ati, “Sinai Tlânga nilei omlai nanhnenga kaleihri jo, ‘Nangni hlamkeina ṭōn hichu kei sik intak hêr jo. Kabinga tlotor mak jo eng.

¹⁰RŌNGPU nan-Pathen in bōirōk a ârsihei kapōa amantam jo chei.

¹¹Nanpa-nanpuhei RŌNGPU Pathen in lishing raja manpungsa chet chei rasoh khana ama’n, aṭongtep kapōa nei leh hao pek chei rasoh!

¹²Tâk heikhonga mo kabing rōk a nangnihei inkhenahei mandaina sik rônkahrik hi karôn tor sik?

¹³Phung rakip a inphut mikasing, manhretna kanei, khana ṭōnhlam inhret ṭhahrep kadeisa hei ruh, ke’n anmani nangni ka-ensui sik a kamanṭang sik hei.’

¹⁴Khana hiva ṭōn mantlukna hi akaṭha kae tia nanhnōm et a kae.

¹⁵Khava jâra nangni takadei jo nanphung shunga mikasing leh manhretna kanei hlamkakeihei kha kalo heia, nangni ka-ensui sik a kada jo hei. Ṭhahrep in mi 1,000 chunga, ṭhahrep in 100 chunga, ṭhahrep in 50 chunga, ṭhahrep in 10 chunga ka-ensuia inṭang sik hei. Ke’n nanphung rakip a ṭōnkarôn sik kakadeisa heia kae.

¹⁶“Khava pha anmani kha mansena kaneihei, ‘Nanmipuihei kâra inphut innâk-insena kha rangei ruh. Innâk-inse rakip kaṭha aṭong tanruh, nanmihei a-emak leh ram hlop mi nankâra ka-om hei ṭong kasōk achanga.

¹⁷Nanṭong mathlakna khan ôtum neimak ruh; tu-anchang inum in-anghrep a mi rakip kha ṭong tanruh. Tu inkhat ṭitna neimak ruh, ajârchu nangni ṭong mathlak kha Pathena inphut akajōng kae. Ṭong kasōk inkhat kha nangni sik a a’ntakrei inchu, kei hneng heimathlung ruh, ke’n ṭong kamathlak sik.’

¹⁸Kha leh inṭhōia nangni tatlo sik heirakip hnenga mansena kanei jo chei.

¹⁹“RŌNGPU ni-Pathen ṭongpek kha eini’n nileitlo. Sinai Tlâng nihei dahlona Amor tlângram jōnna hlam a ram kalen leh ṭit ka-om nêrdiram a leikalôn me. Kadesh Barnea nihong tlung pha,

²⁰Ke’n nanhnenga kaleihri, ‘Tûnchu RŌNGPU ni-Pathen, nipa-nipuhei Pathen in apek me, Amorhei tlângram kha heikatlung jo chei. Enruh, sona son ka-om jo. Se ruh, ama ṭongpek kapōa hlō jo ruh. Inkei-chiona achangmak leh ṭitna neimak ruh.’

²²“Tâk-kha nangni kahnenga kahong cheia nanhri, ‘Eini’n nihma hlam a ramkathlir mi tir hei rih, hlam hro sik akaṭhapen leh sona son heikhong khava khōpui aka-om hei mo anmantheina sik mea.’

²³“Khavakha tlosōt sik a akaṭha apō joa, ke’n phung khat a mi inkhat sâm, mi 12 kakadeisōt a kae.

²⁴Anmani tlângram ting kase heia, Eshkol phaicham katlunga anva-ensōa kae.

²⁵Khana antavahmu theikara ṭhahrep um eini hneng anjōngrôn pek me, khana RŌNGPU ni-Pathen in apek me ram kha kaṭha hêr tia ṭong anheirôn pek me.

²⁶“Tâk-kha RŌNGPU ṭongpek kadōia le’nphin chei, khana ram a khan leihlut mak chei.

²⁷Nangni khat leh khat kachōr cheia nanti: ‘RŌNGPU’n eini ahōt me. Ama’n eini Egypt a inphut Amorhei kut chunga pek sōtna hrep sik a, anthatna sik mea, aheiṭhōisōt me.

²⁸Heisik a mo son akase sik me? Eini kaṭi jo me. Nimi tir hei khan sova hmun a mihei so eini kanek a kahrat det hei, inshângdet hei, khana ankhōpui bang bōirōk chen a a’nshâng shunga khan ka-om hei tia anhri pek me. Anmani’n khana khan mikalen anleihmu hei!’

²⁹“Tâk-kha ke’n kati, ‘Khava mihei kha ṭitmak hei ruh.

³⁰RŌNGPU nan-Pathen in hlam akei sik chei, re atuk pek sik chei, Egypt a aleitlo jo.

³¹nantahmu kapōhrep a. Apa’n asapa apōk kapōa, hiva hmun katlung bit a heikhonga mo aheiṭhōi chei ti kha nanhmu jo.’

³²Tâk-kha kaṭong hri kha hnemna omloa, nangni’n RŌNGPU kha leitaksen mak chei,

³³ama’n nanrephōr matungna hmun kajonga nanhma aseṭhak inum. Hlam kha manhmuna sik cheia, jân leh hmei kachoa, sûn leh sumtuk kachoa nanhma kase.

³⁴RŌNGPU’n nangni inphin kha atheia ahnuk kana jo, khana enhnōm kakaitak a aleiphônga kae,

³⁵‘Hiva akaṭhamak khanga inphut nangni tûte inkhatbek nanpu-nanpahei pek sik a kale’ntepna ram kaṭha kha hlutmak tin.

³⁶Jephunneh sapa Caleb rōk in kahlut sik. Ama chu kei ṭong ajui ṭhak, ama’n ava-en jo ram kha ama leh asōnhei kapek sik hei.’

³⁷Nangni jâra RŌNGPU kha kei chunga kapha’m ahnuk kana a hinga ati, ‘Moses, nang kapha’m khava ram kha hlutmak tin che.

³⁸Tâk-kha nang kabôm Nun sapa Joshua malung ngirna kha manngar pek roh. Ama’n ram kha hlōna sik Israelhei aṭhōi sik hei.’

³⁹“Khava sōa RŌNGPU’n nikhenga hnenga aleiti, ‘Nansahei, dik leh dikmak la’nhret mak, naipang alakachang hêr he’n, ram kha kahlut sik hei, nangni’n nanre he’n ansur sik jo hei nantati, naipanghei khan kahlut sik hei. Anmani ram kha kapek sik hei, khana anmani’n anhlō sik.

⁴⁰Tâk-kha nangni chu, inhe una Aqaba hneng tuikekâk jōnna nêrdiram a inle jo ruh.’

⁴¹“Nangni’n nanmasôn, ‘Moses, RŌNGPU kandōia kaset jo ung. Tûnchu RŌNGPU ni-Pathen in ṭong apek me kapōa keini re kantlo sik jo.’ Khava sōa nangni inre et a re katuk sik a intluk jo chei, tlângram re tlo sik kha akabeitek sik a nanmandona kae.

⁴²“Tâk-kha RŌNGPU’n kahnenga ahong hri, ‘Re tlomakna sik rakôk hei roh, ajârchu ke’n anmani ompui mak hei ning, an-inrepui he’n antor sik hei.’

⁴³RŌNGPU ṭonghri kha kalei manthei jo chei, tâk nangni’n rangei mak chei. Ama kadōia inhrangsak chei, nan-inlensakna khan tlângram ting re leikakōn chei.

⁴⁴Khava sōa khava tlâng chunga aka-om Amor he’n nangni kadōia khōijâm hei kapōa jōng kakōn hei. Hormah katlunga anhnong cheia Edom tlângrama khan re antor jo chei.

⁴⁵Khan chu nangni’n RŌNGPU ângshunga kaṭap cheia inthōpuina sik nanngek, tâk ama’n rangei pek mak chei, khana nanchunga amalung hlutmak joa kae.

⁴⁶“Khava sōa chu, pha kasôttak Kadesh a ni-omsō kahnunga,