Read Komrem DÂNRABU INHNINA 14 Bible Online

DÂNRABU INHNINA 14 - Komrem bible

DÂNRABU INHNINA 14

¹“Nangni RŌNGPU nan-Pathen mi chei kae. Khava jâra nangni’n kathihei sik a ṭajai nansui pha, milak-hei tatlo kapōa nantak karittan mak ruh a-emak leh nanmache ting nansam vomak ruh.

²Nangni chu RŌNGPU nan-Pathen ta chei kae; raleichunga mi rakip hei kâra inphut ama mi kachang sik a akadeisōt jo chei kae.

³“RŌNGPU’n intheng mak ati jo hei inkhatbek sâk mak ruh.

⁴Nangni’n hiva shahei hi nansâk thei sik hei — se, kemōng, ke,

⁵shakhi, khana ramkemōng, sharja khana raki kaneihei,

⁶ran ke matin inbâk leh thlai incha.

⁷Tâk ran inkhatbek akematin inbâk mak leh thlai incha mak chu sâk theimak tin chei. Sharîngsei, thepa, telep sâk theimak tin chei. Khahei khachu intheng mak tia lo sik hei kae; thlai chu anmancha tâk anke matin chu inbâk mak a kae.

⁸Vok-hme sâk mak ruh. Khahei kha intheng mak tia lo sik hei kae; anke matin chu inbâk tâk thlai chu mancha mak hei. Hiva shahei hi inkhatbek sâk mak hei ruh khana ankathi kalōng bek um tônmak hei ruh.

⁹“Nga masong leh ahlip kanei rakip nansâk thei sik,

¹⁰tâk tui shunga ka-om masong leh ahlip kaneimak rakip sâk theimak tin chei; a’nthengmak a a’ntei sik hei kae.

¹¹“A’ntheng va rakip nansâk thei sik.

¹²Tâk nantasâk mak sik vahei kha hihei hi kae: mârhmu, simbu, hmukhai, hmuvânlai, hmubong, hmuthong, va-âk, valen, tuivaṭhu, varîngsei, urôk, ârtôk hmursong, tuipui-ârtôk, vasamthi, vabâk khana; vasesâk hei.

¹⁹“Mathla kanei ranhring tete rakip intheng mak hei; sâk mak hei ruh.

²⁰Ranhringte a’ntheng hei chu nansâk thei sik.

²¹“Binga akathi ranhring inkhatbek sâk mak ruh. Nankâra ka-om ram hlop mihei nanmansâk thei hei, a-emak leh ram hlop hei hneng nanjōr thei sik. Tâk nangni chu RŌNGPU nan-Pathen ta chei kae; nangni ama mi chei kae. “Kemōngte a-emak leh kete apui netuia sōng mak ruh.

²²“Sôma inkhat ṭhensōt ruh, kum kataia nanhleia kasōk rakip sôma inkhat.

²³Khava sōa RŌNGPU nan-Pathen in kamukna sik a akadeisōt hmun inkhat a khan vase ruh; khana khan ahmai kunga nanhmuchi, vomhrui ju, olive thai sôma inkhat khana nanse leh kemōng a’nte masa pen hei kha sâk hei ruh. RŌNGPU nan-Pathen kha ahei tik a kajana nanneitheina sik a hi tlo ruh.

²⁴RŌNGPU’n mahâmṭhat apek cheia kara akasōk sôma inkhat kha nan-inna inphut kamukna hmun katlung rôn sik kha ahlarei inchu hinga tlo ruh:

²⁵Kara kasōk kha jōr unna kamukna hmun inkhat a sêr kha choi ruh.

²⁶Nanmadu chen rachôkna a hmang ruh — sehme, kemōng, vomhrui ju, juthlum hei, khana khan RŌNGPU nan-Pathen hmaikunga, nangni leh nan-innkō he’n sâk una hōi ruh.

²⁷“Nankhōpuia aka-om Levihei kha heisâk lo tlomak hei ruh; anmani chu karōi chen neilo hei kae.

²⁸Kum 3 inchaina kataia, nanhmuchi kasōk rakip heichoi ruh khana nankhōpui heia mantûp hei ruh.

²⁹Khava kara kha Levihei, karōi heite anchen mak jâra, khana khōhmehei, nu leh pa kasehei, renghmei nankhōpuia aka-om hei sik a kae. Anmani akahong heia antamadu rakip antachen sik kae. Hi tlo ruh, RŌNGPU nan-Pathen in nantlona rakip a vâng apek sik chei.